تجمع الرقيه سبيلنا للشفاء من الأمراض _ الجزء الثالث ( 3 ) .

كيفك الحين
وكيف الرقية معآج؟
رمضان قرب فرصةة والله للعبادة اكثر والدعاء
ولاتستبعدين ان صحتج تتحسن فرمضان

انتي وش تحسين فيه بالضبط ؟؟؟!!!!
هل هو هلع يعني خوف شديد من شي معين
او اكتئاب واللي اعراضه عبارة عن حزن وضيقة بالصدر
والا ذهان اللي هو هلوسة وعدم الترتيب بالكلام
والتفكير المشتت لأني انا اعاني من هالحالة اللي هي
عدم ترتيب الكلام وطريقة التعبير سيئة بحيث
اني اتفشل قدام الناس ما اعرف اتكلم واتلعثم
ما ادري هالحالة هي ذهان والا لا ؟؟
يعني انا حالتي مابين الاكتئاب واضطراب الآنية والذهان
نوعا ما هذا والله أعلم !!!

للحين بس جالسه احاول اقراء حتى لو سورة من القرآن لاني انوي كل يوم وكان شي يردني يعني اقول بعد ماخلص هالشغله بروح اقراء لكن ارجع اسوي شغله ثانيه ومن شغله لشغله ويخلص اليوم ماقريت لي كم يوم ماقريت اذكار الصباح والمساء الشي الوحيد اللي مستمره عليه هو اسمع سورة البقرة او رقيه وقت النوم
حالتي اقول لو تبقى كذا الحمدلله لانها مستقره حتى لو اني احس بضيقه لكن خفيفه تجي وتروح اهم شي افتك من الافكار والاحاسيس اللي تخليني احس اني بفقد الادراك او راح يجيني فصام

بداية حالتي كانت هلع اتوقع لاني احس بخوف وضربات قلبي سريعه وافكار متسارعه او احس مخي موقف وقبل تبداء الحاله بس كنت احس بخمول وضيقه لكن مع بدايه حالة الهلع بداء اضطراب الانيه وادراك الواقع اللي هو اطلع احس العالم غريب الشوارع الناس السيارات احس كاني محبوسه جوات نفسي
بعد ماخذت العلاج النفسي هديت من ناحية الهلع راحت الضيقه لكن مشاعري تبلدت تماما وجاني وسواس بالدين والعبادات حتى دعاء ماقدر ادعي واحيانا احس عقلي متوقف تماما
لكن صرت اطلع اسافر اروح اجي بدون خوف مثل قبل وحسيت اني صرت اجراء شوي مع الناس
كان تشخيص الطبيبه اضطراب وجداني ثنائي القطب واكتئاب مابعد الولاده وهلع استمريت على العلاج سنه ونص مع اني احس العلاج وصلني عند حد معين ووقف يعني ممكن ال6الشهور الاولى من العلاج احس كان واضح مفعوله لكن بعدين صرت اخذه بس وقائي عشان ما انتكس لكن العلاج ماوصلني لشفاء التام مع اني حاولت اطلع نفسي من الحاله لكن طول الوقت احس ان فيه شي غريب ماني فاهمته ومشاعري تبلدت وصار عندي عدم مبالاه
بعد ممكن 6سنوات من تركي للعلاج وتحديدا السنه اللي فاتت شهر1او2تعبت من معدتي فصرت افكر انه مرض خطير واني راح اموت ومن هالخيالات بعدها صرت احس اني راح انتكس واني قريب راح اصاب بالفصام فخفت خوف مو طبيعي ولما راجعت الطبيب وسويت المنظار ارتحت نوعا ما وراح وسواس المرض لكن احس مازلت تعبانه اخذت علاج المعده خف الم معدتي الحمدلله واخذت علاج نقص فيتامين د وقتها قررت التزم برقية الفاتحه والاذكار وكنت انام على رقيه الصباح على الريق اكل تمر واشرب مويا اقراء فيها الفاتحه اول ما اصحى ازيح الستاير واشغل قرآن بالبيت بالبدايه كنت احس بضيقه فضيعه وزادت الاعراض ويوم عن يوم بديت ارتاح ولاول مره احس اني رجعت طبيعيه مشاعري رجعت رجعت افكر مثل قبل رجعت احب الحياه واخطط بدون مافكر او اخاف استمريت فتره متحسنه لكن تركت رقية الفاتحه لكن مازلت مستمره على الاذكار
سافرنا مع زوجي دورة3شهور كنت كويسه وحالتي تمام اخر كم اسبوع من الدورة كنا نبغى نطلع وكنت لابسه عبايتي فجاءه احس كاني بغيبوبه رجع شي خيم على راسي وحسيت بخوف ومن وقتها وانا يوم حالتي مستقره ويوم احس بشي ماهو طبيعي لكن فقدت الدافعيه ورجعت مثل قبل متشائمه وخايفه اغلب الوقت افكر بحالتي
بالنسبه لتشتت والتلعثم بالكلام قدام الناس ماهي عندي صح احيانا احس بارتباك لكن احاول اسيطر على نفسي مع ان تجي احيان ماقدر اطالع بعيون الشخص اللي قدامي ماعرف ليش
يعني حالتي عجزت احددها احس خلال اليوم يمر علي مئه احساس وفكره
يوم بس ضيقه واكتئاب،
ويوم خوف وتوتر
ويوم وساوس
ويوم افكار مزعجه
والحمدلله على كل حال

أمس قريت سورة البقره للآيه 100 وماقدرت أكمل لأني قعدت تعبانه شوي