&تجمع العمل بالاسباب لانجاب البنوتات العسولات بقدرة الله عزوجل &

هلا كرستاله
ابد دخلت وماأحد حمسني وطلعت 😂😂

ياعمري عليهم 😭😭
نفس عيالي مره مره ذابحيني من اللحين يبون بنت بس الصغير طول الوقت ودي اخوي يقصد اخوه الصغير عطيه فلانه وأعطينا بنتها مانبي اخونا نبي بنت وقطعو قلبي اكثر 😭😭
وانتي خلاص ماشاء الله ولدك صار كبير شوي وعلى بال ماتحملين وتولدين الا هو قريب من الاربع سنوات وابدي كورس الحميه ومتابعة التبويض من شهر ١٠ والله يرزقك بتوأم بنات جميلات عسولات صالحات معافات
ويرزقني ويرزق الجميع بالبنات

أنا عكسكم زوجي متحمس للبنت مثلي وأنا واياه بس نشوف بنوته ودنا ناكلها .. العيد اللي فات رحنا نشتري ملابس لأولادنا وشفنا فساتين بنات تهبل بدون مانحس قمنا نتفرج عليها ونقول هذا حلو وهذا أحلى وشافنا صاحب المحل قال : عندنا الوان ثانيه اذا حبيتوها قاله زوجي بنبره تحزن : عجبتنا بس الله يرزقنا ماعندنا بنت عندنا اولاد الله يحفظهم ..قال : الله يرزقكم إن شاء الله ومايجي العيد الجاي الا وبنتكم معكم .. ودايماً يقولي : إن شاء الله تجينا البنت ومثل ماالناس يسوون كل شي عشان يجيهم الولد إحنا راح نسوي كل شي حتى تجينا البنت .. ويقولي ما أتخيل حياتنا بدون بنت .. حماسه للبنوته مثلي محمسني كثير يعني إذا خططت للحمل راح يلتزم أكيد بالتوقيت والتعليمات كلها والله كريم يرزقنا بالبنوته العسل ويفرح قلوبنا ويحفظلنا أولادنا ويرزقنا برهم .

اما انا فابني الاسبوع اللي فات كان ماسك ووقة وقلم ويرسم ويرسم
انا ماطالعت بالرسمة
شوي الا جابها وراسمني وراسم ابوه وهو واخوه بالوسط بينا وانا راسم دائرة ببطني وجواها بيبي !!
لا شعوريا عصبت عليه وقدامه رحت جبت المزيل وغطيت على البطن والبيبي ورسمت مكانها وردات وقلتله لا عاد ترسمني كذا مرة ثانية .
ما بغاه يتعشم ولا يفكر كذا ..

ياقلبي يااااارب انك ترزقنا بالبنات الصالحات ياارب


وحده تقول لي انها عندهاا عيال وراحت سرقت ملابس بنت جيرانهم من حبل الملابس واخفتها وماعلمت احد وحملت وجابت بنت يوم جابت بنت ردت لهم ملابسهم هههههه اتوقع خرافهه ولا صادف قلت لها لو السالفه جذي بناقز بسطوح الجيران وكل لبس بنت وانا ماخذته هههههههههههه