ابنتي المعاقه وتقصيري فيها

السلام عليكم تحيه طيبه أود أن تشاركونى همى ومشكلتى
بنتي 13 سنه شديد اعاقه وانا موظفه في قطاع التعليم احس اني مقصره كثير في بنتي يعنى ماأطلعها دايم في البيت فقط اكل شرب تغير(اعزك الله) حفاظ والأدوية حتى علاج طبيعي ماأسوي لها
بيتي شقه دور ثاني وصعبه طلعتها آخر مره ودينها 3 اللي نزلوها مواعيدها كل 6 شهور مع دكتورها
وتجديد دواء كل شهر اروح اجيبه حتى شعرها انا اقصه في البيت يجيني هالأحساس لمااروح مشغل اقص واهتم بنفسي أو اسوى اي شي اقول وبنتي او لمااروح لحفله أو عشاء أحبط ويضيق صدري اقول وبنتي اسفه على الاطاله
للأمانه هل انا مقصره أشكركم

11 تعليق 3,219 مشاهدة

شاركي في النقاش

سجلي الدخول لإضافة تعليق.

التعليقات

11
  1. @am_ghlaty_hyaty

    حتى لو ماطلعتيها اذا صرتي في البيت خليك جنبها يكفي الي هي فيه زياده وحده
    والله اني اعرف طفل معاق اعاقه شديديه وضمور واعمى يحس في امه اذا هي جنبه وسبحان الله هي ماتخليه وتلبسه مثل اخوانه ماتفرق بينهم ابد
    احساس الام عمره مايخيب اذا انتي حاسه بتقصير شوفي وين
    الله يخليها لك ويشفيها
  2. @ftoom_alhlo_1

    المهم حنانك واحتوائك لها واهتمامك بكل تفاصيلها بحببب ..
    القصة واللبس والشكل والريحة وبكل شي..

    ايش نوع اعاقتها عقلية وجسدية؟
    تشوف تسمع؟

    ربي يكتب اجرك ويجازيك ببنتك خير ويشفيها ويعافيها ويبارك لك بحياتك..
  3. @am_r_yof

    وعليكم السلام ورحمه الله المساله بسيطه ولا تحتاج تاسالين احد هل انتي مقصره او لا اعكسي الوضع وتخيلي انك انتي المريضه وبنتك هي التي تعتني بك
    اي ضعي نفسك مكانها كيف تحبين ابنتك ان تعاملك اختي الغاليه والله لوتعلمين ما فيها من الاجر لما تاخرتي عنها دقيقه واحده من وجه نظري انك مقصره لانها تحتاج الحنان والعنايه وتحتاج منك مراقبه الخادمه كيف تعاملها وهذا اهم شي في الموضوع انها امانه عندك فلا تضيعي هذه الامانه
  4. @aom_aabyd

    صاحبة الموضوع
    جزاكم الله الف خير واشكرك من كل قلبي حسستوني انه في أحد سمع لي وحس بمعاناتي النفسيه من ناحيه شغاله ايه عندها شغاله بس مركبه كاميرا اراقبها وصدقتى للي قلتى حطى نفسك موقفه حطيت نفسي قلت ابيها تكون معي قلبا وقالبا وعسى الله يساااعدنى ويمدنى بالصبر وربي يآجرني دعواتكم( ام ريوف فطوم الحلوه ام غلاتي حياتي جهان عمر) من أعماق قلبي شكرااا💞

تابعي تجارب أخرى من هذا القسم.