وصلت عمر 30 وهذا تفكيري انصحوني

صباح الورد
لي فتره باكتب الموضوع هذا بس انشغلت قلت ماراح اكتبه الا وانا مروقه
انا عمري 30 الحمدلله خلصت جامعه وحاليا اشتغل بشركه اهليه مشكلتي يجوني كثير خطاب وارفضهم لان كل ماسألت عن احد يايكون اخلاقه مو كويسه او مدمن او واحد بيسكني مع اهله او معدد
وانا والله احس راح عمري مابقى شي وكل اللي كبروا تزوجوا وخلفوا وماخفي عليكم جدا رسمت حياه رومنسيه يمكن لو ماشوفها بزوجي المستقبلي تركته اتاثر كثير كثير بالمسلسلات وادخل جو معهم وكل حركه يسونها اقول باسويها لفارس احلامي هل الحياه الزوجيه زي مارسمتها بخيالي رومنسيه وسعاده او يختلف الواقع كثير وش رايكم هل تفكيري هذا بيحطمني بعدين وبياثر علي !!! وش تنصحوني ابي نصيحه او تجربه من واقعكم لي

41 تعليق 7,886 مشاهدة

شاركي في النقاش

سجلي الدخول لإضافة تعليق.

التعليقات

32
  1. @marya_khlyl

    شوفي ياقلبي الزواج مو نفس المسلسل لان المسلسل تمثيل كذب اصلا بعض الأحيان الممثل يمثل وهو متضايق بس لازم يكون رومنسي عشان بياخذ فلوس والزواج شي ثاني انا ما اقولك ان الزواج مشاكل لا في حب واحترام وفِي اختلاف آراء مثله مثل اي علاقه وان شاء الله ربي يطيحكً في زوج اخلاق يارب وحنون يكون معاك اهم شي في الرجال انه مايمد يده كريم يعاملك بالحسنى
  2. @kom_hky1

    مابي احطمك بس اغلب اللي مثلك بالعمر ذا ماياخذون الا معدد
    انا مطلقه بدون اطفال وكتبت مره موضوع زي كذا اني مابغى معدد لكن الشكوى لله شكل ماحد يبينا غيرهم
  3. @dloaa_zyzo

    لاطبعا مو طول عمرنا رومنسيه وورد وحب.... ولا طول العمر مشاكل..... الحياة وسط..... تصير خلافات بسبب وجهات النظر... كل واحد له رأي وتفكير غير الثاني وأحياناً تكون في أفكار مشتركه بينكم.... بس الشاطره إلى تعرف كيف تحل مشاكلها البسيطه وتخلق جو حلو بينها وبين زوجها......... اهم شيء يكون رجل أخلاق ويخاف الله فيك وبإذن الله تعيشون حياة سعيده...شوفي حياة من حولك امك وابوك.... جدك وجدتك كيف عايشين طول عمرهم مشاكل اكيد لا...... وان شاء الله ربي مايخيب ضنك.........موفقه حبيبي
  4. @angod_alslyaay

    مثل المسلسلات صعب جدا يمكن فيه بس نادر جدا انا اقول ادعي ربك يرزقك بواحد رومنسي ان شاء الله تخذينه بس لا تبنين احلام ان نفس المسلسلات وخصوصا التركيه اما انك وصلتي الثلاثين وما تزوجتي ان شاء الله انها خيره مو نهاية العالم كثير يتزوجن في ذا العمر واكبر بس ممكن مثل ما يقولون الفرص تقل لو بتلاحظين وانتي عمرك اصغر يجيك العزام لاكن كل ما تقدمتي يجيك المتزوجين لاكن ما في شي بعيد عن رب العالمين اهم شي اصري بالدعاء امممممم يجيك مدمن واخلاقه مو كويسه اكيد لا تخذينه لاكن يسكنك مع اهله وش المشكله لمن تكونين مع اهله بس يكون لك شقه مستقله او المعدد هذا انتي ورايك وجهة نظرك وانا اقول انتظري لل 35وبعدها فكري بالمتزوج وان شاء الله انك تبشرينا في زواجك بعد رمضان يا كريم

تابعي تجارب أخرى من هذا القسم.