مشكلة ممكن تؤدي الى الطللاق

والله شوفي شعورك هذا رح يرتبط فيك العمر كله دامك ماارتحتي له خلاص بتجلسين تلومين نفسك عند كل مشكله وتقولين ليتني ماكملت معه تراه زواج عمر وارتباط واطفال ماعليك من الناس وكلامهم شوفي قلبك وش يقول لك وتذكري ان الارواح جنود مجندة

حبيبتي تزوجي وخلي شهر العسل ينتهي واقنعيه يدخل نادي عشان صحته وكذا وينحف ويصير سمبتيك

الله يسعدكم بنات ردودكم مره ريحتني شكرا لكم

استغفرالله

ليش كل هالتنازلات ؟


ليش مافي زواج ولا شهر عسل وحتى الشبكه ماجابها ؟


مولازم زواج كبير وخساير بس لازم حفله تفرحين فيها وهذي اول فرحه لك ومايخصك اذا تزوج من قبل اولا ،


شهر العسل لو شي بسيط ، لو خمسه ايام في دبي ،


الحرمه اللي تتنازل في بداية عمرها بتقضيها كلها تنازلات وانا من وجهة نظري لازم تاخذين اللي متعارف عليه من حقوقك علشان بكرا ماتجلسين تندبين حظك وانا تنازلت وانا اعطيت وانا ماسوالي ،


ترا كله برضاك الا اذا غيرتي رايك وواجهتيه باللي تبغينه ، وحطيتي النقاط ع الحروف ،


ثاني شي صدق الرجال باخلاقه لو كان ملك جمال بدون اخلاق بتعوفين شوفته وجماله ،
تاكدي من نفسك هل المساله مسألة شكل وجمال ولو كان مثلاً اوسم كان مشيتي معاه وشفتيه افضل ،


او مسألة انك ماتقبلتيه كشخص جمله وتفصيل ؟


استخيري الف مره ولاتتخذين قرارك الا ومتأكده من نفسك وعااارفه تبعات هالقرار ،


اذا قررتي تتزوجيه تزوجي بدون تردد وحاولي تنجحين هالزواج ، يعني مو تدخلين بنية اجرب يمكن اتغير !


الزواج اكبر من كذا والطلاق بعد الزواج له تبعات اكبر من الانفصال ايام الخطوبه ،


اما اذا قررتي تتركينه فأبداً لاتتنازلين عن حقك هذا وحطي في بالك كلام الناس وشغلات كثير بس اطلعي بقناعه وبدون ندم وانتي واثقه انه رب العالمين بيعوضك ان شالله ،


ثالثاً واخيراً تراك صغيره صغيره الحين اشوف البنات يتزوجون ٢٨ حتى ٣٢ ،


في نظري الانسان المناسب اهم من اني اتزوجت علشان اسكت الناس ،


والله يكتبلك مافيه الخير 💜