تحطمت بعد المراه اللي خطبتني وكنسلت !

صباح الخيرات واالليرات
بالعشر هذي الله يسعد ويوفق من ترد واذ متزوجه الله يجعلها اسعد زوجها واذ مو متزوجه الله يرزقها بزوج يحطها بعيونه وش رايكم بس بالدعوه اتمنى كل وحده تدخل تعطيني رايها
انا يابنات موظفه الحمدلله حاليا حكومي من قبل الحكومي وكل مادخل عمل يعاملوني كاني صغيره 🙁 وجهي وملامحي ناعمه مره وصغيره مو صغر مشوه لا لا بالعكس انا طويله وجسمي حلو يعني ابدا مو مشوه اللهم لك الحمد بس ملامحي كلها تعطيني وحده اصغر من عمري بكثير لدرجه مره وحده خطبتني وامي علمتها بعمري قالت لا ولدي اصغر منها وثاني شي مشكلتي دايما يعاملوني اني صغيره بالدوام يعني مثلا وحده بالدوام عندنا اصغر مني عمر بس ماشالله طول وعرض صارت اختلاف وجهات نظر بيني وبينها قلت احترمي اللي اكبر منك قال انتي اكبر مني وتاشر بيدها علي يعني مره ضايقني هالموضوع والله مره تعبت ورحت المستشفى وسالت عن العمر قلت 30 والله والله الفلبينه قالت ايش ؟!!! قلت وش فيك قالت انتي شكل اصغر ! يعني اشوف الكل يستغرب واكون معكم صريحه عمري بالنسبه لشكلي ضايقني من اشياء كثيره اولها الزواج يتوقعون عمري شي وينصدمون بشي ثاني ولااخفي عليكم بعد موضوع الخطبه حطمني ابي اصير قد عمري شكلي وش اللي يخلليني كذا اقترحوا قصه علي لبس يعني مع ان لبسي ماهو قصير ولا بنطلون البس يعني اغلب شي طويل مابي مثلا احد يشوف شكلي ويبني خطبه مثلا ويكنسل بعد مايعرف عمري هالشي يحطم والله وش اسوي مابي تحطيم خصوصا بموضوع الزواج !

56 تعليق 9,489 مشاهدة

شاركي في النقاش

سجلي الدخول لإضافة تعليق.

التعليقات

53
  1. @kom_hky1

    والله ياقلبي شوفي ماحد راضي باللي عنده اللي شكلها كبير وعمرها صغير برضوا يشتكون اشوف انا ان الوجه الصغير والملامح الناعمه مايحتاج تكبرينها عشان موضوع خطبه خليك كذا ليتني مثلك ماشالله ولا اتحطم ولا يحزنون وش عليك من الناس والخطبه قولي عمرك قبل او لمحي لهالشي قبل يخطبون
  2. @thrya_fy_alsma

    كأنك تكلمين عني شكلي اصغر من عمري وحطي جنبها مطلقه .. المشكله باللي يجون خبط لزق يخطبون المفروض يعرفون العمر والحاله الاجتماعيه مو يجون يحرجون الناس وينحرجون ..
    الله يوفقك وبالعكس لاتكبرين بشكلك عشان تعجبين اللي يبي يخطب خل يعرف عمرك قبل لايجي وبس هذا اللي عندي ..
  3. @bnt_aloady_22

    بالعكس لاتتحطمي ولا شي اشوف هالشي ميزه وكبار الفنانات يحوفون اعمارهم عشان يطلعون اصغر واللي خطبتك بيجي بدالها استانسي بس ولا تضيقين صدرك ....
  4. بِسْم الله الرحمن الرحيم
    انصحك تقولي بعد التشهد في السنن (اللهم أني اسألك باسم الله الواحد الأحد الصمد الذي لم يلد ولم يولد ولم يكن له كفوا احد) ان يرزقك الزوج الصالح المصلح وقولي كل اللي نفسك فيه من طلبات لأنك تطلبي أكرم الكريم

تابعي تجارب أخرى من هذا القسم.