زوجي صار يشك باهله ويتخيل احد يراقبه

زوجك والله اعلم مدمن حبوب هلوسه هذي طايحين فيها الشباب تخليهم يتخيلون اشياء ماصارت ويظنون اشياء عكس الواقع ودايم يحس انه مراقب بالضبط نفس اللي قلتي علاجها يقطعها نهائي قبل لا يطير باقي عقله لان سبحان الله الحبوب والمخدرات تاكل العقل واللي يروح منه خلاص ماعاد يرجع ، عاد طريقة شلون يقطعها هذي عليك تقولين لابوه لاخوانه لاهلك احد ينصحه .. وشكراً

هذا مرض نفسي اسمه باراناويا

صحيح كلامها وترى متعاطي الكبتاجون حتى لو تعالج وطاب من الادمان الا ان اثارها من شك وريبه تظل موجوده لانها في الاصل تعطب بعض خلايا المخ علشان كذا يقولون لمتعاطيها مخه انلحس

لا حول ولا قوة الا بالله

زين ما سويتي انك رحتي لاهلك لان نفسك واطفالك امانه تسألين عنها يوم الحساب

وبالنسبه للشكوك والتخيلات هذي من اثار قوة الادمان الله يعافيه ولا يبلانا واضح انه كان يتعاطى من فتره طويله

واحد مدمن الله يشفيه حتى بأخوه يشك فجأه يجي يمسكه يبي يذبحه شاك فيه انه على علاقه بزوجته استغفر الله

كل ما طالت مدة الادمان كل مازاد الوضع تدهور

الله يكفيكم شره ويعوضكم بعيشة افضل من اللي مضت