وش رايكم بزوجي وش تحكمو عليه ...؟؟؟

سجلت دخول لأن هالشئ كان مشكله لي في بداية زواجي.
زوجي كان قارفني من كثر مو لازق فيني اروح لاهلي يتصل مليون مره اسولف مع صديقاتي يتصل يتصل يتصل لحد ما اقفل وارد عليه اضحك مع اخواني يصير وجهه الوان. بكل امانه وصدق زهقت منه ومن اسلوبه. أي شئ يزيد عن حده ينقلب لضده..
لحد يوم من الايام انفجرت عليه.
كانوا اخواني يزوروني ويسلمون. قبل ما يجون يقولي تخرجين لاخوانك كذا؟ قلت ليه شايفني لابسه مايوه؟ مع انه كان لبسي عادي لكن البلوزه كانت مفتوحه بشكل بسيط ما يبين صدر ولا شئ.. قمت انفجرت عليه قلت اقول اصحى لنفسك واحسب حساب كلامك وثمنه انت ما تكلم وحده ماخذها من الشارع انا اهلي مربيني الحمدلله وبيتنا نظيف مافيه وساخة ودناءة افكارك.. واخواني مروءتهم تساوي العالم لو عريانه هم اللي يغطوني والكلام المريض هذا حقك انا ما اقبله ابدا ابدا والا بروح مع اخواني واجلس انت في مرضك وافكارك الدنيئة.
حسيته والله تلعثم وارتبك وقام يتأسف ويقول من حبي وغيرتي.. قلت لا معليش حبك وغيرتك لها حدودها وانا اعرف حدودي والخنقه هذه انا ما اطيقها. بعدها الحمدلله تعدل.. تجيه حالات كل كم شهر لكن اذا شافني زعلت يقلب الموضوع مزح.
اما من ناحية يقولك لا تخونني.
زوجك يشوفك كثيره عليه وخايف تتركينه..
تفاهمي معاه بحزم في الاشياء اللي تضايقك ولا تعطينه جوه وتسايرينه لأنه بينقلب مرض نفسي مع التعود ويحس ان اللي يسويه هو الطبيعي وبعدين بتتعبين في التغيير.

شوفي بيئه زوجك في احد يعشش له بافكار سلبيه اصدقائه ممكن يحكون له قصص خيانات او زوجك يقرا بها الاشياء ..حاولي تفهمي من فين الخلل ..

احس مو طبيعي ابد انتي اكسري الحاجز وواجهيه لان تفكيره غلط ولازم يعدله انتي واجهيه عشان يعرف انه غلطططط ولازم يحترم نفسه وانتي اكبر من انه يشك فيك قولي انا عارفه ربي وخايفته ما جبت وحده من الشارع استغفر الله بس

سبحااان الله كأنك تحكي عن زوووجي اقسم بالله نفس الشي بالضبططط انفجر ثم انفجر وعطيه كلام احرجه اخر شي يقول امزح او من كثر حبي وغيرتي عليك حتى من امك وابوك اغار يعني انا لو اعطيته وجه زياده او خليته ع راحته يمكن حتى اهلي ماخلاهم يشوفوني لكن انا ماسمحت لنهائيآ الا اهلي خط احممممر ...

والله اقوله واواجاهه يعني انا لو مو مواجهته يمكن كان مانعني من كل شي يبيني مقابلته 24 ساعه بس انا شخصيتي قويه معه بذات في الامور اللي يفكر فيها بغرابه عشان مايتسلط ويسيطر ابي يطلع له عقل من ها الخرابيط والاوهام اللي يفكر فيها.