قسم العلآج "الاعرآض و النتآئج و الاسئلة"(متابعة الحاله)

لازم تواصلين.. التعب ماراح يروح عنك ابداً الا اذا واصلتي في العلاج ومتأكد

صحيح.. و 100%

السلام عليكم ورحمة الله وبركاته
كنت بسالك اخ انصر أخاك عندي حالة البرودة الشديدة في الأطراف ماقدر حتى ايلس مع زوجي وعيالي همه يريدون مكيف وانا في وادي ثاني في حالة الثلج والاسكيمو برد مش طبيعي حتى يوم انام مااريد مكيف أكون مثجله وزادت الحالة في رمضان حتى زوجي قام يروح ينام في بيت أمه وانا السبب ماتحمل المكيف لان أطرافي مثلجة وحتى يوم نجلس في الصالة اتعذب مع المكيف اروح اقعد في غرفه حارة بس عشان ارتاح من هالمكيف هل هالحالة طببعيه ولا لا اللهم لك الحمد حمدا كثيرا طيبا مباركا فيه وجزاك الله خير على كل كلمة تساعدنا فيها

عليكم السلام ورحمة اللله وبركاته..

اول شي تأكدي من الحالة الجسدية..

مثل النحف و السمنة والجوع ايضاً

لان الجائع والنحيف يحس بالبرد أشد من الغير..

اذا كذا غير ذلك قد يكون من العارض..

لكن مايضر هذا الشي يعني مو ذيك الاهمية..

فلا تأخذين لها اي بال •

اخوي انصر اخاك لما تعبت صارت تطري علي اشياء يوم كنت صغيره كنت اشوفها يعني اتذكره مثل الحلم مره لما كان عمري تقريب4او5 كنا بيت جدي كان عنده عزيمه الله يرحمه وكنا نلعب في،صالة البيت شفت عجوز اعرفها لكن مدري وقتها كانت صدق موجوده او لا كانها دخلت غرفة جدتي والباب مقفول اشوفها كانها شفافه او الوانها خفيفه يعني مو شكل الانسان الطبيعي ومشيها مو مشي عادي كانها تطير او تمشي على شي مثل لما يكون الانسان راكب سكوتر كهربائي
ومره ممكن كنت بعمر8سنوات كنا عند خالتي برضه كانت عزيمه وكنا جالسين بالصاله اشوف زوج خالتي دخل علينا بالصاله مع ان الباب كان مقفول ونفس طريقة الحرمه العجوز كان شفاف ومشيته نفس المشيه اللي ذكرت وكان لابس ثوب نوم وطاقيه شفته دخل المطبخ ودخلت وراه لقيت زوج خالتي فعلا بالمطبخ لكن مو لابس نفس اللبس كان كاشخ وبيقلط العشى لرجال الصراحه وقتها نسيت هالمواقف لكن لما تعبت وقريت عن الامراض الروحيه صرت اتذكرها
لكن احيانا اقول ممكن تكون من علامات الفصام المبكره يعني دليل ان حالتي حاليا راح تتحول لفصام واعراضه بدت معي من الطفوله
وش رايك بالموضوع مع العلم اختي بعد هي تعبانه وبعد كانت تشوف اشياء مثلي هل هذا له علاقه بمرضنا الان وهل هو مرض نفسي او دلاله على مرض روحي او انه هلوسات اطفال