شاركي في النقاش

سجلي الدخول لإضافة تعليق.

التعليقات

9,185
  1. @shykhalzyn_1

    الف الف الف مبرووووووووووووووووك يا ميس ايجبت..
    والله تستاهلين كل خير..
    ولا تزعلين حبوبه .. لو ماردينا ولا انشغلنا .. يعني انا وحده عني ماقدر اشارك بس اخبار الكل عندي اشوفها ومتابعه ..
    ولا تنسين انه ملنا اخوات هني.. وتربطنا (معده صغيره) :)
    يالله عاد اضحكي ووسعي صدرج ولا تزعلين علينا..
    وعقبال ال10 كيلو الى نهاية رمضان قولي امييييييييييييييين :)
  2. @alkyk

    السلام عليكم
    اشلونكم يا متحزمات .. لكم وحشه
    انا زايده كيلو برمضان .. مع اني ماسكه نفسي و ما اخربط ولا اكل حلويات :(
    اليوم ان شاء الله بغير الشوربه ( يمكن اهي السبب لانها عدس و ماجي :( )
    بسويلي شوربه خضار

    يالله يا بنات شدو حيلكم ترا بالاراده كل شي يصير :)
  3. اخيرا سويت العملية
    و شفت الموت
    و اللهي تعبت تعب مهو طبيعي
    المهم خرجت امس من المستشفى و الان انا في الكلية و في الم الله لا يوريكم
    و الدكتور اللحين قلي بس سوائل لمدة شهر و ان شاء الله انزل 10 كيلو اول شي بعدين على مهلي
    انا اهم شي ابغى اوصل 59

    اداني ادوية كثيييير لأني حتى الموية الله يكرمكم اطلعها و تعبانة و حتى مشي مني قادرة احس جسمي كلو مهدود


    يالله نشوفكم قريب ان شاء الله و ان شاء الله اكون نزلت قبل العيد عشان شوية معنوياتي ترتفع
  4. بنت جده

    الحمد لله على السلامه:26:
    وما تشوفين شر ان شاء الله
    ليش داومتي فالجامعه على طول ؟
    انا عطوني اجازه اسبوع
    والسوائل اسبوع .. وبعدين اكل عادي
    والترجيع بيكون مستمر طول فترة البالون .. واكثر شي يضايق لين نمتي
    نامي على مخده مرتفعه شوي .. عشان لا ترجعين<< هذي الدكتور قال لي اياها

    الكيكه

    :) عادي .. في رمضان لازم شوي الوزن يزيد لا تزعلين .. انا زدت 3 كيلو في شهر ونص
    ان شاء الله بعد رمضان نرجع انزلهم ..
    جربتي الشوربه الحارقه اللي فالمنتدى ؟
    انا جربتها بس اشيل الاشياء اللي ما احبها .. تشبع بس كرهتها من كثر ما شربتها


    الثلاثينيه
    :icon28: مبرووووك النزول
    وان شاء الله نشوف وزنج فال 60 :)


    مس ايجبت
    لا تزعلين :26:
    انتي عارفه رمضان .. ما في وقت كل وحده عندها دوام والتزامات .. وكل وحده لها ظروفها .. ما تلقينهم يدخلون النت مثل الايام العاديه:)
  5. المشاركة المقتبسة غير متاحة.

    أهلين بنوتات كيف احوالكن ان شاء الله الميزان راضي عنكن

    اخباري.....
    انا ولله الحمد راضيه بالحاصل بس خاااااااايفه اشوف الميزان همممم حاسه ان قياساتي نازله ادعولي يكون وزني نازل بعد. رح اشوف وزني و قياساتي ان شاء الله بكره باحاول ادخل النت و ابشركم بس اذا انقطعت فتره للاسف رح يكون لان وزني ما نزل....
    بصراحه انا غشيت شويه و صار لي يومين اكل حلووو بس مهب وايد.

    الثلاثينيه : ما شاء الله الف الف الف مبروووووووووك :icon28: عقبال عالم الرقمين قريب ان شاء الله. خخخخ لا والله انا نقلت كلام البنت عن الشيتوكال حرفيا لان شفت عدة استفسارات عنه فقررت اشوف شو السالفه وراه ........ طلع مثل الزينيكال و انا مالي شده على عوار البطن و لوعة الشبد و الارف و الركض للحمامات ( اعزش الله ) ترى وراي دوام و المرافق الصحية بعيده عن مكتبي. الله يخليش انا صارلي فترة اخذ الفيتو شيب و حاسه انه ممتاز بس مشكلته انه يعطش واااااااايد و بنفس الوقت حاسه ان قياساتي تغيرت بعد ما اخذته و رح اتاكد بكره و ارد لك خبر ....... ادعيلي بس....... عسى الله يقوينا على الفيعنه. بسم الله عليش لا تهملين بحبوب السكر ترى وايد خطييير لان الوالده اذا ما تاخذ الحبه تدووووخ. يلا عند العيايز كل شي يايز :hahaha:

    بنت جده : الف الحمد لله على السلامه. لا ان شاء الله ما يجيش شر. الله ذكرتيني باول ايام العمليه اخخخخ الوجع و لوعه الشبد يلا هي يومين و الا ثلاث و رح تخف ان شاء الله. ماني دكتورة و لا شي بس احس انه احسن انك داومتي ترى قعدت البيت تخلي الواحد يظل يفكر بالالم. انا داومت من ثالث يوم للعمليه. اسمعي كلام الدكتور و انتبهي على حالك و ان شاء الله المره الجايه تجينا باخبار حلوه.

    الكيكه : و عليكم السلام..... لا تحاتين لان رمضان صعب جدا الواحد يقاوم مغريات الاكل بس هااااا لا تخليهم كيلوين لين اخر رمضان ........ ان شاء الله بعد رمضان انتي و توته تتشجعوا و تسووون ريجيم مضبووووووووووط و تنزل اوزانكم

    مس ايجيبت : الف الف الف الف مبرووووووووووووووك :icon28: :icon28: :icon28: :icon28: اعذريني حبيبتي انشغلت شويه و ما قدرت ادخل النت. ما شاء الله عليش قويه و باذن واحد احد الوقفه الجايه عالم الستينات يلا ورينا شطارتك. مازلنا منتظرين المفاجاه شووووووووووو السر


    يلا اشوفكم على خييييير بس لا تنسونا من صالح الدعاء بالمغفره و الرحمه و الستر و النحففففف