زوجي ونومته لوحده

يسعد ايامكم بنات
انا مدري كيف ابدا لكن زوجي له فتره طويله تعدّت السنه ينام لوحده بالصاله.
قبل كنت اذا نام لازم يخليني انام واحيانا يكون مافيني نوم ويقول تعالي نامي مايبيني اسهر لوحدي لكن بعد فتره صار هو يسهر لوحده على مسلسلات وسوالف مع اصحابه واخوانه وانا في البدايه كنت احاول اسهر معاه لين ننام سوا بس تعبت صرت اطلع لغرفتي انام وماعاد افرق معاه صار ماخذها عاده يسهر وينام بالصاله لكن اللي يقهر انه وقت يبي مني حقه يجي وينام معاي ويدلعني يومين لين يخلص وترجع حليمه لعادتها القديمه.
جربت انام عنده تحت بالصاله يطردني يقول مو مكان نوم وكيف اتفرج وعندي احد نايم :/
جربت اتكلم معاه وجبت له فتاوي ان هذا هجر ومايجوز وعادي ولا همه :/
يابنات وصلت اني بكيت من هالاسلوب وعادي يجامل يومين ويرجع :(
صرت انام انا وولدي بالسرير وهو مايجي الا وقت حقه الشرعي ويخلص ويطلع
تعبت منه هذا غير اسلوبه الجاف معاي ويزعل فجأه ويرضى فجأه طفشت من هالعيشه وانا لولا اطفالي كنت تطلقت من زمااااان

مااظن بيتعدل ابي احاول اتأقلم ويسطفل بس مو قادره غصباً عني اشتاق ل حضنه وقت النوم وابي احس ب رجل معاي
بديت احس اني ماعاد احبه واخاف اوصل ل مرحلة اكرهه :( ما استاهل ابداً منه هالمعامله

مادري شالحل فيه. اللي مرت بتجربه مثلي تفيدني