اسرافنا إلى أين ؟جربووا هالطريقة لا تفوت

ماشاء الله تبارك الله استفدت افكار منكم..

افكار روعه روعه يالله بنات عطونا افكار زيادة لحفظ النعمة وتصريفها
لان الاسراف زاد عن حده
ولا تنسون احتساب الاجر بكل كلمة تكتبونها

اللهم صل وسلم على سيدنا محمد.....

انا أعزل الخبز واخليه ينشف واعطيه الجيران عندهم بهايم. . أو احطه في حاويات الخبز
الرز والدجاج الباقي احطه في سفره واخلي زوجي ينزله بالبراحه
أخذ علب الماء الكبيره أبو 5 ريال أقصها من النص واعبيها ماء للقطط أضعها بجنب السفره
الفواكه اذا قربت تخرب اعصريها وسويها عصير طازج يشربونها الأطفال
الخبز اللبناني اذا بقى منه افرزنه وأسوي فيه منسف أو مرقوق أو اطبخه للأطفال حليب نيدو لذيذ مره ومفيد لهم ..
أيضا الطماطم اذا قربت تذبل اعصرها وافرزنها
وبس هذا اللي يحضرني.

انا عندي كرتون فاضي فوق الثلاجه .. اي كسر خبز او توست احطه بالكرتون وهكذا لين يمتلي الكرتون .. علشان ينشف الخبز ومايعفن .. واذا نشف وصار يابس .. احطه بكيس كبير .. وهكذا لين يمتلي الكيس ونهايه الشهر اعطيه احد عنده بهايم ..
الاكل العشا اذا بقى كميه كويسه ويسوى ارتبه و اعطيه عامل او شغالة اهل زوجي ..
او اذالا بقى عظام دجاج ودجاج قليل اعطيه قطوه الرز لا مااعطيه للقطاوه لانه يوسخ الشارع والقطاوه ماتاكله بس يجمع النمل والحشرات .. انتبهو لهالشي مو كل شي تكبونه بجنب الزبالة وبالشارع لان كثير ناس يشكون من هالشي وامي منهم تقول عند بابنا عند الزباله جيراننا يكبون الرز والفواكه الخربانه علشان الحيوانات والقطط وتقول ماينوكل بس يوسخ الشارع ..
انا لاجيت عندهم حيل ريحه وسخه وعفن بسبة الاكل المكبوب على الارض .. امي بنفسها تطلع علشان تنظفه لو جوها ضيوف علبالهم هي .. فحيل تأذت من هالجيران .. انا البقايا القليله والمحيوسه لاوالله اقطها بكيس الزباله .. مااطلع شي للقطاوه الا بس الدجاج والعظم لاني اعرف انها تاكله اما الرز لا ماياكلنه ..
فلايصير همنا انو نحافظ على النعمه واحنا نصير نأذي جيراننا بالوسخ والريحه والذبان والحشرات والنمل بسبة الاكل اللي نرميه بجنب الزباله .. ويصير جيراننا يدعون علينا
والشي الثاني ماهو عن الاكل .. لكن حبيت اقوله يمكن احد يستفيد ..
وهو اخصص كيس بالمطبخ احط فيه القواطي .. الي هي علب البيبسي والسفن والمشوبات الغازيه
طبعا افضيها واعبي الكيس واذا امتلى اربطه واحطه بجنب زباله الشارع.. يجي اي عامل يشوفه يأخذه ويبيعه ويستفيد منه كم ريال اكسب اجره ان شاءالله .. طبعا بكيس شفاف عشان يشوفونه ويعرفون .. وهكذا دايما .. هذي الفكره اخذتها من جدتي .. تقول مره طلعت بالشارع بتطلع الزبالة شافت عامل يفتش بالاكياس سالته وقالت وش تبي .. قال ادور علب الببسي والسفن يقول ابيع الخيشه ب5 ريال .. فصارت تحط كيس بالمطبخ تجمع العلب وتربطها وتحطها بجنب زباله الشارع ..
وانا صرت اسوي مثلها