(1) ⭐️تبشاير يوليو واغسطس ⭐️ (1)

مبروك للي ولدو


والعقبى لنا يارب




دكتورتي قالت خذي لك عصير اناناس ليليا مع ملعقه وحده زيت خروع وامشي لين تتعبين لان عنق الرحم عندي مقفل تمام



ودعواتكم ياحلوات خلاص تعبت مره مره

وبخصوص التحجر المستمر سالتها تقول اذا استمر فوق٥ ايام فهو بدايات طلق اما اذا جا وراح فهو كاذب وتحجر طبيعي حبيت افيدكم بذي المعلومه

انا بقول لكم قصة ولادتي ب اختصار
رحت للمستشفى الساعه ٢ الفجر بس ابي اتطمن عشان الجنين قليلة حركته لما وصلت وحطوا التخطيط والنبض كل شي كويس ولا فيه بوادر ولادة على انه الرحم مفتوح ٣ سم وسوت سونار وتطمنا على البيبي وكل شي كويس الساعه ٤ الفجر قالت اطلعي مافيه اي بوادر ولاده مجرد مايجي معك طلق او تنزل المويه تعالي سبحان الله نزلت من السرير بلبس عباتي عشان اطلع الا انفكت المويه قالوا خلاص ولادة ولازم نعطيك طلق صناعي مانقدر نصبر لين يجيك طلق طبيعي لان معك التهاب بالبول ولازم مضاد
اخذوني لغرفة الولادة وعطوني طلق صناعي الله يعظم الاجر من الفجر لين الساعه عشر فتح خمسه سم طلبت ابره ظهر وعطوني وخفف الم الطلق الحمدالله بس احس بدف الجنين على تحت بعدها الساعه ١١ ونص تقريباً فتح ٦ سم وجلست ثلاث ساعات تقريباً معاد فتح اكثر وصار نبض الجنين ينزل وقالوا نص ساعه اذا مافتح راح نحولك عملية قبل لاتخلص النص ساعه قالوا مانقدر الجنين النبض ينخفض عنده وهو متبرز عرفنا من عينة المويه بس كنا بنحاول تولدين طبيعي والنبض مو مستقر لازم قيصري ورحمه من ربي اني اخذه ابرة ظهر ولا طول معي موضوع البنج الساعه ٢ وخمس دقايق سمعت صرخة ولدي والحمدالله الي ربي قومنا بالسلامه انا جربت الطبيعي والعملية كلها
بالنسبه الم الطلق الطبيعي لاني حسيت فيه اقول ارحم بكثير من الصناعي وابرة الظهر نعمة ياربي لك الحمد
هذي هي قصتي والحمدالله من قبل ومن بعد كنت اقول ان العملية مريحه بس طلع تعبها بعد الولادة اكثر وتصيرين تعانين منها لي اسبوع الحين ويومين بس للحين القومه من السرير والسدحه صعبه بسبب الجرح
اغراض المستشفى اكتشفت ان تجهيز كله غلط اولاً كنت اخذه بجايم واكتشفت ان القمصان والارواب اريح بكثير الشبشب لاتنسونه كم طقم للبيبي عشان اذا بيزورك احد خذوا معكم شي لك وللبيبي يدفيكم لان مكيفات المستشفى بارده المره لاتنسونها
والله يهون عليكم يارب التعب في وقتها وبعد تنسينه خلي ايمانك بالله كبير وتوكلي علي ولاتنسين اذكارك والدعاء وقت الولادة
الحين الامهات الجدد او الي لهم خبره ولدي ارضعه صدري وصناعي لان صدري لوحده مايكفيه لاحظت انه من البارح ولدي ماتبرز وانتم بكرامه هل هالشي عادي !!! اول كان من خمس الى ست مرات في الايام الى راحت طمنوني الله يسعدكم

ام حمودي الف مبروووووووگ حبيبتي ❤️
يتربى بعزكم ودلالكم

ايمي ..
لا تتحطمين ولا شي ربي قادر على كل شي ..
وان شاء الله ينفتح الرحم وتكون اسهل ولاده
ومايجي ١ / ١١ الا وانتي والده باذن الله