ابتلينا وتشوهت سمعتنا/ قديم

نسأل الله أن يرفع عنكم ، ويهدي أخوانك والجميع ، علاج الخطأ بخطأ أكبر منه هو المشكلة الكبرى ، وربنا هو الغفور الرحيم ،،
توجهوا لله جميعكم وأدعوه ليرفع عنكم ، وادعوا لأختكم ، وسيستجيب الله دعائكم بإذنه تعالى ..
وقولوا لإخوانك أن إرضاء الرب هو الأهم وليس إرضاء الناس وإغضاب الرب ، لأنّ قتل أختكم سيغضب ربنا ، وسيزيد المشكلة سوءً ،،
نسأل الله أن يرفع عنكم ويستبدل البلاء برحمته الواسعة ..

والله سويت دخول خاص لموضوعك يمكن ماازيد اكثر مماقالوا الاخوات
بس اتمنى اتمنى من كل قلبي تدخلي تتحاوري وتشاركي الاخوات اللي تفاعلوا مع موضوعك اذا محتاجه مساعده مشورة طريقه لاقناع اهلك اذا كنتي انتي اصلا تغير وجهة نظرك اتجاه اختك وعرفتي انها مظلومه بدل ماتدعي عليها قلوبكم محروقه من تصرفها بس تاكدوا مليون بالميه هي نار تشتعل بقلبها ب الثواني من اللي صار لها تتمنى لو ماتت وماصار اللي صار وابقيت بينكم بدل تبريكم منها موقفكم معها ووحدتها عذاب لها فوق عذاب السجن وفوق موقف الناس الغريب يبقى غريب بس اللي من لحمها ودمها نسي كل الحياة الحلوه بينهم تبرا منها عذاب لها


اختك محتاجتكم الحين اكثر من اول بتقولي الوالد كان مدلعنا ووو زين وينكم عنها يوم تكلم يوم مشت في هذا الطريق لو انكم كنتم قريبين لبعض وقلوبكم واحده وبينكم تحاور وداعمين بعض كان عرفتوا عن موضوعها قبل مايوصل انها تثق فيه وتطلع معاه
واضح تالفكم ومحبتكم لبعض من اول غلط بحياتها تبريتم منها وتركتوها شماعه لكل من في قلبه عليكم شي رماكم بموضوع اختك
اختك لا تسمحون لا اي من يكون يتكلم فيها اذا احد ذكر سالفتها قولي اختي غلطتك وموضوع وانتهى ومااستمرت بالغلط وانضحك عليها من طيبت قلبها وصغيره ماتعرف في الحياة كثير وثقت في الرجال تربينا ع طهارة القلوب ونحسن الظن ونصدق الوعود ايه زلت بس مو نهاية العالم ماضرت احد كثر ماضرت نفسها الله ماكتب لها الستر لحكمه فخافوا الله كثيييير منا مستور يمكن باللي اعظم من ذنبها وربي ساتره فلا تتشمتوا وربي يبتليكم .... دافعوا عنها بحب تواصلوا معاها اخرجوها احتووها
سؤااااااااااال اش وضع الرجال اللي مسكوها معه اش موقف اخوانك منه هددوة عاقبوة او قوتهم ع الضعيفه بيقتلونها اختك موعار لانها انثى لو كانوا لها سند وقريبين لها ماكانت وثقت بغريب
يكفيها سنتين عذاب وغربه وحرمان من امها ارحموا قلب امك مهما قسيتم بيبقى قلبها يقول غير مااجبرت عليه تفكر في بنتها طوال الوقت كونوا لها اهل وعزوة قطيعة الاهل فقد ل الذات فقد للمحبه فقد لاحاسيس ومشاعر وللعزوة والسند وقت الحاجه

ان الله لايغير مابقوم حتى يغيرو مابانفسهم لماذا كل هذا
هل هي اول من اخطا او اخر من اخطا
استغفر الله العظيم انتم اول اعان على هذه الاخت يعني بالعاميه انتم والزمن
لدينا قريبه خرجت مع صعلوك مايخاف الله وتعرضو لحادث اليم وبقيت هي في المشفى لمدة سنتين وتنازل اهلها وخرجت بعاهه وهو ماصار له شي ولكن عند خروجها اهلها احتووها وعالجوها والله انها تزوجت وانجبت اربعه وعايشه وتجهز الان لفيلتها واخبارها انتشرت كالنار في الهشيم واهلها لو لم يتنازلو وقالو الشاب هذا خطيبها وجارنا ويوصلها لكان انسجنت ليست نهاية الدنيا
ولكن الاهل دائما هم من يصنع منا عظماء او حقيرين
التوبه تجب ماقبلها وزوجك اذا بيسمع للناس لن يعيش مرتاح قد يرفع الله هذه الاخت باحتقار الناس لها وشماتتهم ويعوضها بشي كبير

ياخواتي كلكم كلامكم صحيح المفروض ان الموضوع يتكتمون اهلها عليه بس هي من البدايه قالت لكم انهم في محافظه ومعروف المناطق الصغيره تنتشر فيها الاخبار وخصوصا مراكز الشرطه والهيئات اذا كانو موظفينها من اهل الديره..في سنه من السنوات كنت في محافظه وانمسكت بنت لنفس السبب الي انمسكت فيه اخت العضوه والي مسكتها الشرطه والله انه واصل الخبر لمقر دوامي في نفس اليوم والدوام ماخلص..

والله اني الي اكتبه عن اختي ماهو من قلبي بس مقهوره من الي حنا فيه مره احقد عليها ومره ابكي وحن عليها بس تتغير النظره اتجاهي لو فكرت اتعاطف معها من قبل اخواني
او حتى زوجي ولو فكرت ازورها ممكن مصيري الطلاق وغير ذالك اخواني مدري ايش يسوولي ادري ان كلنا خطأئون وخير الخطائين التوابين

صحيح انا كلنا عانينا وتعذبنا من هذا الشي بس تظل اختي وماكنا ملاحظين عليها اي ملاحظه ولعب عليها الله يلعنه دنيا وآخره وقتها عمرها 19
الرجال الي معاها بالبدايه كان يبغى يتزوجها وبعدين رفض وفضل السجن
ومادري طلع او ماطلع