مشكلة مازمتني اني اذا زرت احد او احد جاني
وبديت اسولف اتوتر ويتغير وجهي بسرعة على فكرة مو رهاب اجتماعي لان الحالة جتني من فترة بسيطة
يعني مره رحت عند اهل زوجي وجو سلايفي ويسولفون علي اكون متوترة واعرق حتى الاحظهم يلاحظون علي ويستغربون
او مثلا اقول سالفة ووحده تخالف كلامي علطول انحرج ويبان علي يعني اتفشل بسرعة
كيف اتخلص من هالحالة تكفون
شاركي في النقاش
سجلي الدخول لإضافة تعليق.
التعليقات
2- علميني الحل اذا عرفتي انا زيك ماعد اعرف اسولف مع الناس مدري علشان مااحضر مناسبات ولا اختلط اذا انا وحدة او ثنتين بالكثير عادي شوي واحس نفسي اخربط بعد اما مجموعة من ثلاث اربع وفوق مااقدر وصوتي بصير واطي والسالفة تصير قصيرة وتنتهي بسرعة يعني شي يحرج الحمدلله وحدة تقولي ماشاءالله عليك انتي بس قاعدة معنا تضحكين لاني كل سالقة اتفاعل معها وبس هذا الي اقدر عليه وكثير يقولون لي انتي هادية مرة ودي اصير اتكلم زين ماادري وش المشكلة
- لا تفكرين في كلامك قبل ما تنطقين فيه، خلك على السجية، لان كل ما فكرت وش بتقولين وقعدت تراقبين كلامك بيطلع ملخبط، ويسبب لك احراج، وبالنسبة انك تتفشلين من اللي يصححون لك، مو عيب ان احد يصحح لي، بالعكس اعتبريها شيء مر وراح، فلانة صححت لي مرة مو مشكلة ، لان بالاصل ممكن اكون غلطانة، لا تضغطين على نفسك، شوي شوي ومع الايام بتروح الحالة بس لا تفكرين فيها
مواضيع مشابهة
تابعي تجارب أخرى من هذا القسم.