من ندمت انه ماخذت من اقاربها

انا لو خطبني احد من اقاربنا مستحيل أوافق باوافق في حالة إنه يكون فيه المواصفات الي ابغاها اما كذا لا مستحيل اصلا اقاربنا كنهم اغراب لا طبعهم طبعنا ولا طبعنا طبعهم احيانا البعيد يكون موافق في الطبع ويكون اقرب لك من القريب والناس مختلفين كل له شخصية وله رغبة

الحمدلله بس ضايق صدرك
تخيلي متزوجه ولد خالك وتهاوشين معه
كان قبيلة تقلب عليك
ولاتعالي لساس ولد العم يقطعون رأسك
تتهاوشين تتزاعلين تنبسطين
ماخذه من بعيد
يكفي عيالك يتميزون عيال الفلان عن اسمك
والله الاقارب ماوراهم الا وجع الرأس

سبحان الله رغم إني أنا وخواتي أزواجنا عيال أصدقاء أبوي من نفس القبيله بس بعيدين ولاعمري فكرت ليه ماأخذت من القرابه وبالأساس عيال عمي وخوالي وخالاتي أسلم عليهم وعلاقتي بحريمهم حلوه ونطلع سوا
المسأله نصيب وتوفيق وكلٍ ياخذ نصيبه

انا مثلك ندمت اني اخذت واحد من برى العيله كنت رافضه عيال عمي عادات غير واسلوب حياه غير والتربيه غير تعب من كل النواحي الحمدالله بس * وعيال عمي ماشالله حريمهم سفريات وخدامات ودلع الله يبارك لهم وانا محرومه من كل هذا

انا من المعارضيين بشده من زواج الاقارب سواء اولاد عم او عمه او اولاد خاله وخال
البعد افضل واحسن حتى بالانجاب يكون اقوى في العقل والذكاء ونجباء
زواج الاقارب يخسرنا الكثييير من الحب والموده واللمه الحلوه وقلوبنا على بعض اشوف انه اكثر تشتت وفرقه وقطيعه للرحم اذا م توفقوا طبعا اتكلم عن تجربه
اختي ماخذه ابن عمتي واختي الثانيه ماخذه ابن خالي
وحده الله المستعان نفسيا مش مرتاحه مع ابن عمتي لكن تمشي امورها
و اللي ماخذه ابن خالي تطلقت وتشتتنا وصرنا نكره بعض ولاعاد نجتمع وبينا شحناء لان طلاقها كان ظلم لها ونسأل الله العوض لها
صحيح انا ماخذه ابن عمي انا واختي الرابعه واشوف نفسي مرتاحه معاه ولله الحمد
لكن اصبر على الكلام وم اتكلم
م ابي افرق بين العائلتيين احب اجمع بينهم لاجل تكون قلوبنا على بعض
اهم شي زوجي معاي تمام
ولله الحمد
اختي الثالثه م اخذه واحد من قبيله غير عنا
والحمدلله صحيح يضغط بس غصب تاخذ حقها منه ويحترمونها
وماشاءالله ربي رزقها ب ابناء وبنات في قمة الذكاء والنباها
وربي يسعد الجميييع ويرزقهم من حيث لايحتسبون