خطبني متزوج اوافق ؟؟

انا معك

عمره ٣٣ سنة يعني توه شباب و اللي في عمره توهم يتزوجون و ما وصل مرحلة الرشد (تمام العقل) ... موافقته انه يطلع معك ابتعاث ترى بينت نيته انه طمعان في البعثة و في التجربة و في الوناسة.


سألتي نفسك وين بيودي زوجته و عياله؟


هل بيخليهم في السعودية و يسافر معك؟ اذا نعم و انتي راضية فأنتي ظالمة لهذه المرأة.. و اذا بيطلقها عشانك فاتقي الله لا يجيك يوم تكوني في مكانها اللي يبيع بسهولة ما يؤتمن
اذا بيشيلهم معك لازم تنتبهين لأكثر من نقطة:
١. حتكون في مناوشات بينك و بينها و بين عيالها (اذا عندها عيال) و انتي في مرحلة ابتعاث المفروض مفضية راسك من المشاكل و مفرغة نفسك للدراسة لا يلهونك عن هدفك الاساس هم ما وراهم دراسة و لا شي فمو فارقة معهم المشاكل .. و توقعي انها حتتعمد تنكد عليك عشان تخرب عليك البعثة و ما تكونين احسن منها و تثبت انك مرمطيهم و في الاخير فشلتي..
٢. موضوع المكافأة لازم تتأكدي حيكفيكم و لا لا و تأكدي حتكوني في ضيقة مالية بسبب كثرتكم (و اسأليني انا و زوجي و اولادي٢ و كانت المكافأة يا دوب)..
٣. هل حيقدر يسكنك في بيت و هي بيت في الغربة؟ اشك لأن الاسعار غالية و الايجارات نار و المكافأة يا دوب تكفي..و اذا بيسكنكم مع بعض فارجعي لنقطتي رقم ١ ..
٤. هل حتتحملي نظرة المبتعثات لك؟ و على فكرة اكثرهم غير متزوجات او متزوجات من واحد فقط لهم لوحدهم و حطي في بالك ان مجتمع المبتعثات مجتمع منفتح فكريا للغاية (من تجربة) و ما تعجبه هالافكار القديمة (و لو كانت جائزة شرعا) زي انك تكوني زوجة ثانية ! باختصار حتكوني شبه غير مرغوب فيك في مجتمعهم و انتي تحملي هالافكار او تأييدينها بشكل او بآخر و مجرد قبولك بمتزوج يعتبر قبول لهالافكار اللي (((من وجهة نظرهم رجعية))).. و توقعي عدم تقبلهم لزوجك كصديق لأزواجهم او حث ازواجهم عى الابتعاد عن زوجك حتى (((لا يأثر عليهم بأفكاره)))..
٥. هل حتتحملي دق الاجانب و نقدهم و نظرتهم الدونية لك بما انك (من وجهة نظرهم مغلوب على امرك و مظلومة اللي رضيتي تكوني زوجة ثانية؟و الاسلام ظالم المرأة) هل حتعرفي تردي عليهم بمشروعية هالشي؟ على فكرة هم جدا متزمتين بخصوص هالموضوع و عندهم زيه زي زنا الزوج و خيانته ما يغتفر ... باختصار حتكوني مكروهه انتي و زوجك و زوجته الاولى و لو من وراك ..
٦. انتي هل حتتحملين انه يطلع وناسة و خرجات و تمشيات معاها و انتي مكروفة في الدراسة و ما عندك وقت لهذا كله؟ صدقيني الا ما يجيك يوم تحسين انك تكدين عليهم و انهم يتسلقون على كتفك .. انتي تتعبين و تدرسين و هم على شماعة المحرم يتمشون و يتونسون و يجربون حظهم اذا ضبط معهم كورس لغة يتسلون فيه..


بعد ما ترجعي من الابتعاث ان شاء الله و ايا كان قراره بخصوص زوجته (ياخذها معكم و لا لا) .. هل حتقدري تكوني زوجة ثانية زوجك يوم عندك و يوم عندها او تكون اجمل منك او يكون يحبها اكثر منك او تغيره عليك .. ايش لك بالطلايب هذي كلها و انتي عمرك ٢٠ ؟


مدري حطي كل هالامور في بالك زين و اوزنيها و فكري ...

استخيري وربي يكتب لك اللي فيه الخير

للأسف راعي دين صارت تطلق حتى على اللي حده الصلوات الخمس و ياليت في وقتها ! راعي دين كيف يعني؟ زي الشيخ صالح المغامسي مثلا؟

و مقتدر صارت تطلق للي يشتغل و عنده راتب .. و لاحظي انه اذا جاء يطلع ابتعاث مع زوجته ما راح ينصرف له و لا قرش من جهة عمله .. هذا اذا وافقت جهة عمله تفرغه عشان ابتعاث زوجته .. اسألي المبتعثات ايش صار في ازواجهم لما قرروا يطلعوا معهم ابتعاث .. كثير من الازواج تركوا وظائفهم لأن رؤسائهم رفضوا يعطونهم اجازة مرافق مبتعث و كثير ازواج ما اخذ الاجازة الا بطلوع الروح و سنة وحدة كمان بدون راتب يعني احتمال السنة الثانية ما يوافقوون له!

اقصد "و اللي مقتدر صارت تطلق للي يشتغل و عنده راتب مهما كان رقم هالراتب .. يعني ممكن راتبه ٨٠٠٠ و اقل و يقولك مقتدر! مقتدر يعني عنده خير يعني تاجر يعني عنده املاك يأجرها و يستفيد منها .. مقتدر يعني الوظيفة و راتبها من باب زايد مو اساسي ..