شاركي في النقاش

سجلي الدخول لإضافة تعليق.

التعليقات

11
  1. @safyan_1

    ما أعرف كيف أواسيك بالضبط،
    سوى بقلبي: احمدي الله عندك أم.


    بنقل لك هذا رد وحدة أعرفها :
    ***
    عندي أخوات كثار ، وبعضهن تزوجن بعد وفاة الوالدة بسرعة و أنا صغيرة، المهم بالولادات و كل التفاصيل اللي البنات يوكلونه للأمهات حنا - بطريقة مضحكة أحيانا- ندبر أنفسنا بأي شيء مستطاع و متاح و لله الحمد ..
    الكبار هن ولدن و نفسن أنفسهن بالولادات الأولى، و أحيانا تساعدهن خادمة و أحيانا لا بعد ، وأحيانا و حدة تتعب صحيا و سوت عملية يعني شبه مغشية أول الأيام و كل شيء بالأجهزة و الأنابيب الله يكرمك فأكون مرافقة لها بالمستشفى،
    عشان كذا من سن صغيرة 13 سنة بدري علي بس اضطريت أعيش جو مستشفى الولادة و طلوق الحريم و حديثين الولادة حتى صرت متقنة التعامل مع الأطفال و أنا ما تزوجت و لا انجبت ( و أصلا هالسبب خلان أهتم بالأطفال أكثر، يعني صرت أتعلم ذاتيا self-education من نواحي ثانية أشوف وثائقيات و أقرأ زي علم نفس و دماغ الطفل، و أحس صرت أفهم لنفسية الأطفال بشكل عجيب و أكون صداقات معهم) ...
    مب بس كذا ، رغم على نقيض الصورة البسيطة قبل عندي تفتحت عيوني أو إنسانيتي شفت مشقة الحريم و تعاطفت معهن و الله الله يكتب أجر الأمهات لدرجة وحدة لا أعرفها و لا تعرفني يوم أخذوها بالليل و كانت تبكي من الطلق تأثرت و الناس نايمة رحت بركن قمت أصلي و أدعي لها بالتسهيل بسجودي .. المهم رغم تعاطفي ما توقعت أبدا أحس بشعور الأمومة تجاه أختي الأصغر تزوجت
    و الحين أول حمل لها ، مدري شلون حسيت كل اللي شفته يصير بالحريم رغم تعاطفي معهن ما ودي يصير لها و لا تتألم و لا شعرة ..شلت هم بدرجة غير معقولةتفشلت حتى من نفسي وأنا العاقلة .. لدرجة أقول لقريبتي مب مستوعبة و لا متحملة فكرة أنها بتمر بتجربة ولادة ودي يغمي علي بغيبوبة قصيرة وهي تولد حتى ما يوقف قلبي من قلقي و وجعي عليها، مب بس كذا أنا من تخرجت ثلاث أعوام و أنا عاطلة إنما الآن سبحان الله قدر أنها تحمل بعدما زوجها تو ينقل لمنطقة أخرى في الوقت اللي أنا إن شاء الله بدرس دبلوم مسائي .. ففكرة كونها وحيدة و صغيرة و شعوري تجاهها ( أمومة) صعبة علي جدا( وهي تآخذ مثبتات بعد)، مع ذلك و كلت أمرها إلى الله ..
    لله الحمد حنا بنعم لا تعد و لا تحصى و الله مغدقنا بحفظه دائما و أبدا مع ذلك كل ما كبرت بالعمر أكتشف أكثر و أكثر أشياء وجودها و أثرها جوهري بالحياة تصعب علينا بسبب غيابها الله يرحمها.
    انتهى.
    ***
    و الله البيوت أسرار ، و أصلا أضعف الإيمان يكفي إنا معظمنا ببلدان آمنة من الحروب، و نشيل هم هالتفاصيل التافههة ..
    مب هم صاروخ لا يطيح علي أو رصاصة لا تفضخ رأس طفلي، لله الحمد رب العالمين.
  2. @aashk_bdoy2010quot

    مثل ماقالوا البنات جيبي خادمه ولاتكلفين على اهلك بشي ولاتبيني لزوجك انهم متضايقين كملي اسبوعين وروحي بيتك عادي قولي ازعاج ماقدرت اتحمل بيبي وسهر والبيت داخل وطالع
    الله يسهل لك ويسخر لك
  3. شوفي لو امك ماعندها شغالة فمعاها حق
    تقولي اخوانك كثير وفي منهم صغار هذا غير ان انتي عندك قبل عيال والبيت صغير
    فتخيلي كيف بالله وضع البيت
    اكيد يجيب التوتر
    المهم الحين لازم تجيبي شغالة
    دوري من تحت الارض
    لو جات شغالة شالت نص التعب
    الضيافة دي اكيد على زوجك ومافيها كلام
    كمان مشاويرك والمستشفى وغيره زوجك يوديك
    ايش عنده قاعد بيت اهله شايل يده منكم
    اخوانك لو مايحبو يودو ويجيبو فحيستثقلو طلباتك وخرجاتك
    عزي حالك وخلي زوجك يجي
    قالك اخواني قوليله مو كل شي اخواني
    يكفيهم مشاوير اهلي ومشاويرهم
    كمان اثقل عليهم بمشاويري انت فاضي تعال وديني
  4. الله يعينك ويسهل امرك طالما الموضوع كذا علي طول بعد الولاده بس تسوون الحفله للبيبي حاولي علي طول ترجعي بيتك انتي وزوجك وقللي روحات لهلك وحتي لو جيتي قولي لزوجك توحشني ومااستغني عنك استاجر لنا لو غرفه بفندق واذا بغينا نروح لاهلنا أي يوم نروح ونرجع غرفتنا بالفندق ولا تحسسيه بشي وقولي له بيتنا صغير وامي مسكينه تنحرج وكذا وانا حسيتها محرجه بس ماتبي تزعلني فبرجع بيتي الله يعنيك مالك الا كذا يمكن تحس ويحن قلبها

تابعي تجارب أخرى من هذا القسم.