ماني عارفه اقطع الرضاعه عن ولدي او لا!

@um_toto

السلام عليكم..

ولدي قريب بيصير سنه و 5 شهور

الحمدلله أكله و طوله و ووزنه جيد..

طرقتي معاه عشان انومه اني اغير حفاظته و آخذه للحمام.. أفرش اسنانه.. و اعطيه الرضاعه بالفراش يرضع و ينام.. عقب ما ينام لمدة7 ساعات ما اعطيه غير ماي لو صحى..

مع انه يجلس يصيح كثير ما يطلب مني غير الحليب بس ما اعطيه الا ماي.. بس اذا صار الصبح أعطيه رضعه ثانيه و ريرجع ينام..

و هو الآن يسنن بعد..

ممكن بعد شهرين نسافر الغرب لفترة سنه تقريبا.. و مادري هل أقطع عن الرضعه او لا..

اصبر الى ان يصير عمره كم؟؟

هل افضل اقطع قبل لا نسافر وله حرام توه صغير لأن أخاف يكره الحليب!!

ساعدوني يا أهل الخبره

15 تعليق 3,988 مشاهدة

0 0

شاركي في النقاش

سجلي الدخول لإضافة تعليق.

التعليقات

14

  1. @am_thmory_1

    المشكلة ايش فايدة الرضاعة قبل ما ينام وهو عنده اسنان ليش ما تخلي فكرة الرضاعة بالنهار مو بالليل من اساسه والحليب في السن هذا المفروض بالكأس مو بالرضاعة حاولي راح تتعبي في البداية لكن حاولي

  2. @fanda

    انه ابي ارتاح من رضعت الليل بس ما في فايده
    بنتي ما ترقد الا عليها
    عودتها بالنهار تنام بدون رضعه بس باليل ما ترضى تهلكني من الصياح عشان المرضعه مع انها من تشربها تنام وما تقعد بالليل بس لاوم تشربها
    الحل الوحيد انها ما تطلب رضاعه انه نكون بالسياره وتنام

  4. @tweety_2

    انا منعت الرضاعه عن بنتى من حول 3 اسابيع ...
    الحين بطلت الحليب مره .... و مره منرفزنى الموضوع و هى كانت رافضه شرب الحليب من الكوب مع انى حاولت مليون مره ....
    اختها تشرب الحليب بالكاسه بس هذى عنيده الله يهديها اذا عرفت انه حليب تتفله (الله يكرمكم)

تابعي تجارب أخرى من هذا القسم.