ابي لي حل

السلام عليكم اخباركم بنات
في وحده اعرفها قالت لي اكتب قصتها وهي راح تقراء الردود
طبعا هي مي مسجله بالمنتدى وراح تقولي ايش ارد عليكم
انا الحين راح اكتب لكم القصه بكتابتها يعني انسخ رسالتها واكتبها هنا
السلام عليكم
ببداء بالقصه
انا عمري 28 تزوجت لما كان عمري 17 عندي بنت وولد
بنتي عمرها 8سنين وولدي 6 سنين الان
تطلقت بعد زواج 7سنين
لاسباب خاصه وماني ندمانه ابد
عندي اخوان وخوات اصغر واحد بالعيله ولد عمره الان 27
اخوي هذا اقوى شخصيه من بين كل اخواني يعتمد عليه بكل شي
وساعدني عشان اتطلق ويتنازل طليقي عن الحظانه
انا موظفه ول الله الحمد واقدر اصرف على اولادي
بعد طلاقي ملكت ولكن ماتم الزواج
وبعدها تزوجت لكن مااتفقنا دام الزواج سنه طبعا زوجي الثاني عنده ولد وبنت
وبعدين تقدم لي واحد من اقرب اصحاب اخوي
واخوي عطاه وطبعا انا وافقت
وتمت الملكه واخوي علمني بكل شي عن صاحبه
وانا موافقه صاحبه مطلق وعنده ولد عمره سنتين
تزوجت والحمدلله حياتي مستقره
لين جاء ذاك اليوم الي رحت فيه لاقرب صديقه لي
هو قال لي نص ساعه وتجين انا رفضت وعيا لايوديني
قال اذا تبغين تروحين نص ساعه وترجعين قلت ليه قال الدنيا صارت تخوف
المهم وافقت
بحكم ان زوجي عنده شغل مهم وداني اخوي الصغير طبعا
حنا ساكنين بمدينه واهلي بمدينه ثانيه واخوي كان عندنا يعني بالمدينه
الي انا فيها وقال له زوجي والله ماودي اشغلك معي بس وش اسوي اخوي قال لا عادي وكذا قال لااخوي نص ساعه وارجع خذها قال اخوي طيب
المهم رحت وتاخرت يعني جلست نص ساعه زياده واخوي يدق وزوجي يدق
وانا ماارد طبعا انا كنت رايحه لصديقتي لانها ملكه ابارك لها وهي تبيني افيدها باشياء وانا جلست اعلمها فلذالك تاخرت
المهم رجعت للبيت جاء زوجي طبعا اخوي كان موجود
تخاصم معي زوجي يعني ماانتظر لين مايروح اخوي
انا رديت عليه وتهاوشنا وقلت له يعني وش بسوي مثلا الحمدلله اهلي ربوني احسن تربيه قال اجل وش تفسرين الموضوع اتفقنا نص ساعه وصارت ساعه
لو مااتفقنا اقول ممكن طلعتي من هنا وانتي موافقه المهم كلمه مني وكلمه منه واخوي واقف ساكت ماراح طبعا احنا تهاوشنا بالصاله والاطفال نزلوا اخوي راح بس قبل مايطلع سمعني قلت طلقني فارجع يعني ماطلع
زوجي طنشني ويبي يروح عاد انا قلت احمد ربك اني رضيت فيك
ورضيت اربي ولدك قال انتي الي احمدي ربك الي اخذتك ومعك اطفال لا وبعد مطلقه مرتين ابيك تفهمين ان الرجال مايعيبه شي بس البنت لا
وتقديرا لااخوك راح ابقيك على ذمتي ولاوحده مثلك ماتستاهل الزواج
وراح زوجي يعني طلع من البيت المشكله مي هنا
المشكله ان اخوي زعل معه قلترانت سندي المفروض توقف معي مو معه
قال انتي اخطيتي ومن ذا الكلام اخوي طلعني غلطانه بكل شي
وانا ماانكر اني غلطت بالعكس لكن حتى زوجي غلط
طبعا انا ماراضيت زوجي ولا كلمته اصلا
واليوم الثاني صار على زوجي حادث وجلس اسبوع بالمستشفى
وانا بحكم اني زعلانه دقيت على اخوي الكبير وقلت له تعال خذني
وجاء اخوي اخذني انا وعيالي وتركت ولده
طبعا هذا اول يوم له بالمستشفى
ولما طلع رجع اخذني من دون مراضاه انا كنت رافضه اروح بس اخوي الصغير تدخل وخلاني اروح من دون شي وقال لي احمدي ربك جاء ياخذك ولا لو احد غيره كان مارجع لك ولا فيه بنت فاهمه عاقله تخطي ولا تعتذر ويصير على زوجها حادث ولا توقف معه والمشكله تهرب لبيت اهلها
المهم لي اسبوع اخذني زوجي والى الان مانتكلم ولا شي بس قال لي لما اخذني تراء ماني مبقيك على ذمتي الا عشان اخوك وبس
من بعدها ماسمعت صوته حتى اكل وشرب مايطلب مني بس مهتم بولده
يعني يجيب اكل يوكل ولده ويروح وجايب مربيه له
والاهم من كل هذا قبل ثلاث ايام جاء اخوي للبيت يكلم زوجي يقول
نبي نروح مشوار تعال معنا قال زوجي قدام جاي وراح زوجي بياخذ غرض ويرجع ناظر فيني اخوي وصد وقال تغطي يامره ناظرت له قلت ايش
قال تغطي تراي ماعدت اخوك
انا ادري اني غلطانه
بس الحين ابي حل للمشكله
طبعا زوجي عشان مااظلمه مايقصر معي بشي وحتى الحين الااساسيات ماتنقص
واسفه على الاطاله

36 تعليق 4,652 مشاهدة

شاركي في النقاش

سجلي الدخول لإضافة تعليق.

التعليقات

36
  1. @ohydh_bdnyty_11

    لا تزعلي مني ....بس انا اشوف انتي الغلطانه .وانا احس انك عارفه نفسك غلطانه بعد .انتي شايفه الوضع هاذ مريح لك .اكيد لا مافيها شي تروحين تعتذري منه .وبيني وبينك لازم وقفتي معه بالمستشفي يااختي هاذا زوجك مو عدوك ..فكري زين وسوي اللي قلبك يرتاح له
  2. يعني من جدك تسألين هي غلطانه ولا تستهبلين ؟؟
    بعدين شلون زواجها دام ٧ سنوات و بنتها عمرها ٨ 🤔
  3. الله يهديك ويصلحك
    وش استفدتي الحين من روحة صديقتك بالله !!
    وبيني وبينك ابعدي من الاساس عن صديقتك هذي لمصلحتها ولا كيف بتعطينها نصايح بالزواج وانتي اساسا منتي عارفه تحافظين علي بيتك
    ومخله الرجال زي المنشفه يومين وتغيريها
    عيييييييب
    حطي عقلك براسك واعقلي وتراك راكبك الغلط من راسك لساسك حاولي تعتذرين من زوجك وتكسبينه دامه ولد حلال
  4. @ana_ndmanh

    تبين الصدق انتي غلطانه والله وزوجك مرره مو مقصر معك بالذات انه بعد الحادث جا ورجعك وانتي حتى ماتحمدتيله بالسلامه وكمان تركتي بيتك وولده حرام عليك... بالذات اذا الولد صغير..

    وهو واضح جاب مربيه لولده لانه زعل من كلمتك يوم قلتي متحمله ولدك وانتي المفروض ماتقوليها لانه هو كمان مخلي عيالك معك وانتي عارفه من قبل تتزوجيه انه معاه ولده فمالو داعي كلامك



    غير غلطتك الاولى اللي هي تاخرتي عن النص ساعة بصراحه لو انا منك يا اروح نص ساعه زي ماقالي واتفقنا او ماروح اصلا دامك عارفه مابتكفيكي ... وانا عارفه اتها قليله النص ساعه وكانها زياره مستشفى بس عاد هذا زوجك لو مقنعته كان احسن من انك تروحي وتتاخري وفوقها كلامك وفوقها انك لمن روحتي عند اهلك وهو دخل المستشفى..




    انا اقول يابنت الحلال تعوذي من ابليس واعتذري له وطيبي خاطره...
  5. @noaafth

    حسب كلامك المكتوب ..الغلط عليك ١٠٠٠% ...
    المهمة الحين صارت عليك انك تبادرين بالصلح والاعتذار .... كلمي اخوك اولا ...واعتذري ...وقولي له خلك وسيط خير بيني وبين زوجي عشان ترجع المياة لمجاريها ..... اعتذري ..اعتذري ...واذا كان زوجك انسان محترم وفيه خير ..اكسبية يختي .....لو واحد ثاني ..كان معد رجعتي بيته بعد هذي المشاكل .....وخلي تصرفاتك ..تثبت صدق نواياك ....
    زوجك معدنه طيب ...فبلاش التمنن عليه ... بعدين ماقصر وداك عند صاحبتك ...كان سمعتي الكلام ونص ساعة كفتك ....


    المهم ..الله يصلح ذات بينكم ... ويرجع الود والمحبة بين قلوبكم

تابعي تجارب أخرى من هذا القسم.