الوحدة أخت الموت

السلام عليكم انا عضوه جديد احب افضفض عن معاناتي انا وحيدة امي وابوي من البنات ما عندي أخوات كنت مدلله الي اقصى حد كانو كل البنات يغارون من العابي ومن غرفتي كانو امي وابي موفرين لي كل شي من العاب من ادوات مدرسيه سفر في الاجازات وكنت مبسوطه كبرت دخات المتوسط ما حسيت بالوحده كنت صديقة امي بحكم انا البكر لها وما بينا سنين كثيره والحمد الله مشت الدينا تخرجت وتزوجت الحمدالله وانجبت كنت اتمنى انا يرزقني الله بنات بس رزقني الله عيال والحمدالله على هاذي النعمه كبرو العيال وابوي توفى الله يرحمه وامي كبرت وبدأت تتعب وحركتها تقل وما صارت تطلع وبدأت احس بالوحده الكل يجتمع مع اخواته شاليهات مطاعم مقاهي صورهم في السناب دايم طالعين مجتمعين حفلات نجاح عيالهم مع اخواتهم وعيال اخواتهم حاولت اتقرب للناس للخوال والاعمام احاول اشاركهم بهدايا رسايل واتس واسئل عنهم اذا احد مرض منهم يردون علي بس لاجى مناسبه يختصرون مع اخواتهم فقط حاولت اعزم اسوي حفلات يجون وياكلون ويسانسون وبس وانا اللي اخسر فلوس بس انصرفت عنهم وحاولت اكون صداقات في العمل كل ما قلت نجتمع نطلع الكل يتعذر عند اخت عزيمه طالعه انا واخت خوات مجتمعات صرت اغار من الجمعات الخوات حتى ما عاد اروح زواجات كل وحده مع خواتها الاانا امي ما صارت تروح خلاص تتعب رحت كم مره بعدين حسيت ان ما فيه احد يبيني كل وحده مع خواتها وامها وتبي ترقص بس معهم حتى لو ارقص اكون لحالي حتي قلت لولدي الكبير ليتك بنت عشان اروح انا وانت ااطلع معك ارقص معك الكل يشوف ما فيه مشكله بس تعبت من الوحده نفسي اسولف مع احد يسمعني بحب ينصحني امي ما اشكي لها لانها تتعب ما ابي أضايقها صرت معقده اعوذبالله اذا شفت وحده مع خواتها اتضايق اذا رحت الصالون لحالي دايما الحريم يجون مجموعات الا انا وحيده الانسان يحتاج شخص من نفس جنسه وعمره وبيئته يسولف معه احس نفسيتي كل سنه اسوء من قبل فكرت اروح طبيب نفسي الحمدالله حالتي الماديه كويسه انا موظفه بس احس بالنقص من طفوله مبهره ومدلعه
نفسي اذا رحت للسوق اشاور احد اخذ راي احد في البدايه اخذ ولدي الكبير بس صار يمل من السوق ومن المقاهي
اسفه على الاطاله بس ماعندي احد اشكي له
الوحده عذاب عذاب 💔
نصيحة للي عندها خوات لا تزعلين خواتك هم نعمه ما يحس فيها الا انا واللي مثلي 😞