طفشنا نبي نسوق اجل😢

والله اني ضد السواقه واحسها فلته حتى لو الحريم محترمات بيطلعون لنا رجال غير محترمين
لكن من الضغط اللي حنا فيه
================================
يعني مع الضغط نجيب لنا ضغط وسكر وامكن ندخل للعنايه من الهموم

لاننا بدل مانرتاح ونريح

نزود بالمسوليه واالتعب

الحين الرجال يقولون متى يخلص القطار ونخلص منكم

====================
مو حل اننا نسوق الحل

اننا نحل مشاكلنا داخل بيوتنا ومع رجالنا ونتقرب الى الله وندعي لنسعد بالدنيا والاخره

من حقك تطلعي تتمتعي بحياتك
الله يفرج همك ويسخر لك زوجك

اطلبي يوم في الاسبوع يطلعك واصري ولاتتنازلين. وقولي فلان وفلان تجاملهم على حسابي لو تمرض مازاروك ولا وقفوا معك محد نافعك الا زوجتك وعيالك حتى اذا مت عيالك هم استثمارك خلهم يذكرون ذكريات حلوة ويدعون لك وزني الين يفرجها ربي

كلام قوي اتوقع بيهزه شوي ويحرك احاسيسه خصوصاً لو بقول له محد نافعك 👍🏻

شكل نوعية زوجك نفس نوعية الرجال اللي غثني بها زوجي كل ماقام قال انا لو اسوي مثل بعض الرجال اللي مايعطون الحريم وجه واطلعكم بالشهر مره ولا مثل الرجال اللي كل وقتهم دوام واستراحات وطلعات بر بصراحه احقد على الرجال لان من جد الحرمه تتعب بالكرف وتنغمت بالبيت مع الاطفال من حقها تطلع كل نهاية اسبوع تشم هوا تغير جو او اذا مو مطلعها يخليها تطلع حتى لو تدور بالحاره بعضهم لاكذا ولاكذا ربي يعين حريمهم وربي يستر مايصير زوجي مثلهم الله يفرج همك ويصبرك