ابي افضفض لاتخلوني اجبرو بخاطري

السلام عليكم ورحمه الله وبركاته
اسعد الله صباحكم بكل خير
محتاجه افضفض واخترتكم لكي تواسوني وتدعولي
انا بنت عمري29 سنه جميله جدا جدا خلوقه وفيني مقومات جمال كثير
ماقلت هذا الكلام استعرض لكن قلته وان مستغربه ليه وصلت هالعمر وانا ماتزوجت
جميله وسمعتي حلوه وابوي معروف وله مكانه اجتماعيه راقيه
كثير بنات اقل مني جمال ولا سمعه ولا شي تزوجو ب اشخاص وظايفهم جميله
انا انخطبت ثلاث مرات اثنين وظايفهم مو حلوه وواحد وظيفته جميله وفرحت حسيت ربي عوضني
اخر شي طلع مريض نفسيا ليتكم تعلمون ب كسره النفس اللي حسيت فيها
ادري ان هذا نصيب بس والله قلبي يوجعني اذا سمعت وحده انخطبت واقارن نفسي فيها القى انا افضل بكل شي
واتوجع اكثر اذا وظايفهم حلوه واقول ليه حظي كذا
انا مو حاسدتهم والله بس والله كلمه فلانه انخطبت ثقيله على قلبي
كثير اهدي صديقاتي اللي تزوجو وافكر متى يجي اليوم اللي يهدوني فيه متى البس الفستان الابيض متى اسافر شهر عسل
متى اكون حره بنفسي م انتظر امر من احد وموافقته على اي شي بسويه خاصه الاشياء الشخصيه
مليت من كثر مايسمعوني خواتي كلمه عانس وكلمات م اقدر اقولها مالي قدره اكتبها لكم
مليت من طاري الزواج وتجي وحده تقول الله يرزقك ونفرح فيك ب اسلوب مسكينه ماتزوجتي
انخطبت صديقتي بالعمل وبعد كم يوم كانت نفسيتي مو حلوه مو بسبب انها نخطبت لا كذا قفلت ذاك اليوم
قالت وحده معنا متزوجه شفيك يامدى زعلانه تبين تتزوجين اشتهيني في فلانه يوم انخطبت ؟
اااه بس اه اوجعتني مدري اذا بقصد او لا اذا بقصد الله يوجعها زي م اوجعتني واذا مو بقصد الله يسامحها نثرت ملح فوق جرحي
كل اللي قدي تزوجو واللي اصغر مني تزوجو وهم اقل مني احيان اقول اموت ارحم من هالعيشه
ثلاث من صديقاتي زواجهم الاسبوعين هذي ووحده انخطبت ماتتخيلون قد ايش قلبي مكسور وموجوع
انا ماحسدتهم فرحانه لهم بس ابي مثلهم مابي احد يسال امي مدى ماتزوجت للحين
ليه تسألون هالسؤال وانتم ماتبون شي ليه تحسسوني اني ناقصه عن البنات ؟
تعبت وانا اكذبواألف قصص اني انخطبت ورفضت عشان البنات مايحسون ويفكرون ان مااحد يبيني
كثير قلت لبنات واحد تقدم ومحتاره كنت بعيشهم قصه خياليه عشان اعوض النقص اللي احس فيه
بعدت على بعض زميلاتي بسبب انشغالهمواذا رجعنا بعد سنين اول سؤال اسمعه ماتزوجتي للحين ؟
ياثقل دم السؤال والسائلين انا اعرف ان الزواج مو كل شي بس كل اللي حولي كذا نظرتهم طنشت م اهتميت الف مره بس ماعاد فيني
ماكنت متوقعه بيوم بجي افضفض كذا
بالمناسبات اشارك واطلع بكامل جمالي واناقتي غالبا اخذ نظرات الاعجاب من الكل نظرات الناس تقول اني فتنه
بس ليه م انخطب بكل مناسبه اقول بعد هالمناسبه بيجيني خطاب الناس تدور البنات الجميلات ولا يجي احد
ثقتي بجمالي واناقتي كبيره بس هل انا معي مس او سحر ربط او حسد ؟ مو فاهمه انا ليه كذا
قالو اقري البقره 40 يوم تتزوجين قريتها والتزمت فيها ولا انخطبت لي شهر ونص من ختمتها ولا فيه اي سؤال عني
تعبت من كثر م اتخيل ان فلان وعلان بيخطبني انا بالخيال تزوجت الف رجل وبالحقيقه الالف رجل تزوجو ولا فكرو فيني
والله ماعمري حسدت احد اي ينوجع قلبي اذا سمعت ان بنت انخطبت بس مو حسد بكيفها تتزوج بس انا ابي زيها
كثير كلام في قلبي ماعرفت اقوله لكن ابي اطلب منكم طلب
ادعولي بالزوج الصالح اللي يرضيني من كل النواحي ربي قادر يعطيني اياه ادعولي لعل منكم مستجابه الدعاء وينفرج همي
بدعوتها