ترى في أحد مر بنفس مشكلتي😢ولا انا وحيدة

انا نفسي اعرف وش دخل التوسيع والشق الخارجي بوسع المهبل وضوقه..هم يوسعون من المنطقة الخارجية علشان يسهل خروج الطفل مايلمسون المهبل ولايقصون منه شيء يعني ماله دخل وسع المنطقه وضوقها بالتوسيع الي يسوونه للولادة..استغرب من الي تقول توسعت بعد ماشقوني..انتو مثلي مقتنعين بكلامي والا تشوفون انه له دخل بوسع المهبل وضوقه

بغض النظر عن الموضوع اخجلني الاسلوب والرقي في الرد وانا مالي دخل بالسالفه

مشكلتك مو في نوع التوسيع مشكلتك في الامساك لازم بعد الولادة تكثرين سوائل
تحرصين على الاغذية اللي فيها نسب عالية من الالياف وتتجنبين النشويات مثل الدقيق الابيض
والرز الابيض والبطاطس والجزر
وعند الضرورة تستخدمين ملينات مثل دوفالاك
وأول اسبوعين لا تتحركين كثير وامشي بخطوات متقاربه وفي جلستك لمي رجليك على بعض
وللحمام استخدمي الافرنجي وحطي تحت رجلينك كرسي صغير ليرفعهم بشكل بسيط
والجرح اعتني فيه بعد كل غيار اخلطي مويه مع بيتادين وشطفي فيه المنطقه وجففيها بالطبطبه بالمنديل
وبعدها حطي مرهم ميبو او كريم فيوسيدين وتجنبي المغاطس والتنقيع
ولدت 3 مرات المره الاولى توسيع جانبي كرهت عمري من الالم وانفتح الجرح وتشوهت عندي المنطقة
وفي الولادتين الاخيرة توسيع طولي والحمد لله الالم يحتمل والتئم الجرح وصارت المنطقة ارتب
فإذا حابه تعدلين الجرح الاول اولدي في خاص وعند دكتورة شاطرة خبريها بمشكلتك لتوسع لك طولي
وترجع تخيطه لك بشكل افضل
لأن الحكومي احتمال كبير ما يوسعون لك وإذا وسعوا بيكون جانبي.

انا النوعين اللي دكرتيهم صاروا لي
شق على جنب وشق بشكل مستقيم
بس استغربت يوم قلتي انه يلتئم يسرعه المستقيم


لايالغاليه بهذلني اللي بالوسط تعبت تعب كرهني بنفسي
طلعت من الاربعين وهو ماالتئم ميه بالميه مع اني مهتمه باكل وشربي الخ حتى رحت للدكتوره اللي سوتها لي قالت ممتازه الخياطه ماوثقت فيها ورحت لدكتوره ثانيه مسويه لي بولادتي الاولى وخياطتها ممتازه لانها على جنب شافتها قالت ممتازه
قلتلها بس طولت ذي مالتئمت زي ولادتي الاولى اللي على جنب وبعد فيه بالوسط فتحه صغيره يطلع منها دم
قالت ايوه ميخالف راح تتسكر من نفسها معي اني باخر النفاس ويطلع من هالفتحه الصغيره مره دم بنص الخياطه
وصدق التئمت من نفسها


لذا وربي الخياطه الوسطيه سيئه حييييييل حتى لي صديقه نفس اللي صار لي صارلها بضبط
ولي صديقه لا الحكومي هم مسوين لها كذا ولا خاطوها زين بالوسط وخياطه خرابيط وتسالني تبي تعدلها بخاص المهم انها بعذها حملت مرتين وجابتهم طبيعي يعني تطمني


تراه خوفك من الحمل بس لو انتي مو حامل ماجاك هالوسواس
تطمني
راح يوسعون لك المره الجايه على جنب قبل يطلع راس الجنين ولا راح يفتح جلد خاطه ربي له سنه


اطلبي نوع الخياطه لاتخلينهم يسوون على كيفهم
وربي انا ماكنت ادري فيه نوعين والله اني انصدمت يوم صرت بيت اهلي ودخلت انظف ولا يوم كنت بالمستشفى مادري وينه تصلا ماحس بالمنطقه مخدره يوم واحد بالمسشتفى بس يوم رحت للبيت شفتها انفجعت ليييييييييش وسط
وطلعت لخواتي قلتلهم لاعبين فيني 🤣😭 قامت تضحك اختي تقول اخس تقطيع امريكي تطنز مادري وش تقصد
قلتلها انتي مسوين فيك كذا قالت لا كل عيالي على جنب انا بس اثنين طبيعي وتشكلي الثانيه اسالي يادبه 😡


بس والله الخياطه النوع الثاني غثاااااااااااء ٤٠ يوم ياكلني بالحكه ولابسه فوطه ٤٠ يوم عشان الكريمات زي ميبو وفيوسيد احطهم عليها ابي ارتاح
اما الثاني ١٥ يوم انخاط وكنت بكريه

وتراه معي بداية بواسير يوم اولد الاخيره


المهم انتي ليش ماتصرفين لنفسك ملين الحكومي مايصرفون انتي جيبي
اسم الملين دوفالاك خوذي مكيال بعد وجبات الثلاثه الصيدلي يعلمك كم مقدار
بنتي كان عمره ٥ سنين صرفه لها مقدار ٥ ملي
انتي كبيره اكثر من ١٠ ملي اسالي الصيدلي انا ناسيه كم كنت اصب لي ودي اقول ١٥ ملي كاني اذكر كذا بس ناسيه


كل ولادتي لازم مع اغراض النفاس عشان مايجيني امساك