معاناتي من عشر سنين

السلام عليكم .. اسال الله ان يفرجها على كل من تفيدني في معاناتي ويفتح لها ايواب الخير في كل امور حياتها .. انا اعاني من الاكزيما من اكثر من عشر سنوات وكل فترة الاقي علاج تريحني منها سنه اكثر شي وترجعلي ثاني وما يهديها الا كريمات الكرتزون واذا تركتها ترجعلي ثاني .. حتى القطران جربته وارتحت منها سنه كامله تماما وبعدها رجعت ثاني .. المشكله انه من سنه ونصف تقريبا جاتني صدفيه في فروة شعري بهذلتني ورحت لدكاترو ويعطوني مراهم فيها كرتزون وشامبو ومجرد ما ارتاح واوقف العلاج ترجعلي ثاني .. وانا قشرة الشعر تخلي الاكزيما تهيج في وجهي .. وانتقلت الصدفيه من راسي لوجهي وصار وجهي يطلع فيه قشور واذا تركتها يصير في حكة مزعجه غير المنظر المقزز وما فاد فيها مرطبات او كريمات او اي نوع من انواع الاهتمام .. ما يريحني غير كريم اليكا ام وطبعا معروف انه فيه نسبه كبيرة كرتزون ومستحيل اظل طول حياتي عليه .. ياليت اللي جربت علاج تساعدني وانا بدعيلها من قلبي غير اجرها بتفريج كربة مسلم .. والله انه الحكه في شعري وجهي تعبت اعصابي لدرجة ما استحمل بنتي وولدي الصغار يلمسوني وبس ابغى ابكي واعصب واحس نفسي محطمه .. انا عندي كسل غده واهملتها فترة وقبل اسبوعين عملت تحت شامل وكانت الغده جدا خامله لاني اهملتها وفيتامين دال كمان ضعيف وحاليا انعالج منهم .. ونويت باذن الله اخذ القسط الهندي لعل وعسى وكمان نويت اخذ اوميجا 3 لانه سمعت انه يزيد من المناعه ويغيد في مقاومة الاكزيما .. كمان بشرب موية زمزم بعد ما اقرا عليها ايات الرقيه .. والحجامه نفسي اسويها بس مش حاليا لان ظروف زوجي ما تساعد .. ان شاء الله بسويها بعد كم شهر .. دلوني وافيدوني ايش كمان ممكن اعمل الله يسعدكم لاني فعلا تعبت تعبت .. والله اليوم شفت بداية صدفيه عند عيني وفمي وبكيت واعصابي خلاص مو مستحمله الحكه اللي في شعري ووجهي .. الله يسعدكم يا مشرفات لا تنقلوا موضوعي