انجرحت من كلام زوجي

بنات كنا فبيت اهل زوجي واخت زوجي وزوجي طول الوقت
جالسين جنب بعض يسولفون وتوريه صور عيالها ومقاطع بالجوال ومطنششتني مرا وبس يضحكون ويعلقون وانا ساكته واخته الثانيه جالسه اطقطق على جوالها ومطنشتني كمان نفس حركات بنات المتوسط تخيلو شكلي وسطهم كني مزهريه مايسولفون معاي صرت نفسيه وكاتمه انا اقولكم كل شي من البدايه عشان تفهمون بعد ماخلصو سوالف وضحك اخيرا تذكرو المزهريه الي عندهم قالت اخت زوجي فيه بوست بالانستقرام شي نفسك فيه الان وتسالنا قلت باسكن روبنز قال زوجي ابشري من عيوني قلت خل عنك الهياط معندك سالفه واضحك عادي مززح عشان الوقت متاخر وكان تعبان بينام قال اجل كلي تبن معندي غيره وكمل سوالف مع اخته وسالته نفس السؤال قال نفسي بعرووس وشوفو ي بنات الضحك هو وخواته انا تو امزح ويشوفون كلامي غلط وتغيرت وجيهم وهو قاعد يجرحني وفاطسين ضحك وهو لا احساس ولاضمير انا بغيت ابكي من القهر ومسكت نفسي
ومابينت زعلانه و شلت طوافير القهوه والشاهي وغسلت مواعين بلمطبخ ونظفت رجعت مالقيت زوجي ورتبت الغرفه تخيلو جالسات حتى كلمة الله يعطيك العافيه مايقولون هم اذا الشغاله نايمه عادي يخلو كل شي لها الصبح وينامو المهم بعد مارجعنا البيت قلت لزوجي اذا تبغى عروس اخطبلك قال مشكوره ماابي
انا عارفه يمزح بس قهرني قدام خواته احس جرحني وفرحهم في
حتى قبل ماطلع انام فوق اسمعهم يضحكون مع حرمة ابوهم
مدري علي او شي ثاني ماحط بذمتي انا مايهموني الحين يهمني اسلوب زوجي معي ليه يقول كلي تبن وابغى عروس ويضحك معاهم علي بالله ماهو شي يقهر حسافه مايبين بعينهم شي الرجال كيف افتح معاه الموضوع ابغاه يحترمني ويخاف مني