السلام عليكم ورحمة الله وبركاته
يعطيكم العافية بنات والله يرزقنا و إياكم الذرية الصالحة
هذا الله يسلمكم كان عندي اليوم السونارالتفصيلي للجنين
و لي الحين ٢٢ أسبوع تقريبا يعني بداية السادس
شافتني الدكتورة اليوم وقالت لي كل شي تمام
بس الجنين عنده توسع فالكلى 😰😰
و لما شافتني توترت قالت لي إن شاء الله الموضوع بسيط و ما يخوف خاصة الجنين ذكر يصير هالشي وايد بس تحتاجين مراجعة دورية
طبعا أولا الحمدلله على كل حال
ثانيا بصراحة ما كنت متوقعة أسمع أي خبر ف للحين أحس نفسي مصدومة
ف إللي مرت عليها أو سمعت بهالحالة يا ليت تطمني
عسى الله بكتب لي و لكم الذرية الصالحة المعافاة ❤️❤️
شاركي في النقاش
سجلي الدخول لإضافة تعليق.
التعليقات
34- ولد اختي كان عنده توسع في الكليه وبعد الولاده بس كل فتره كان يراجع علشان يشوفون والحمدلله رجع كل شي طبيعي واللحين بِسْم الله على قلبه رايح اول ثانوي
- لاتخافين ولد اخوي قالوا له كذا وجلسوا بعد ولادته مواعيد لحدما كمل سنة والحمد لله طلع كل شيء تمام
الله يطمن قلبك حبيبتي ويقر عينك برؤية مولودك بالسلامة يارب - دام بسيط معناه اقل من ٦ والسائل حوليه ممتاز ،،
لا تحاتين هذا عادي وبصبر مع الذكور كتير ويروح مع الولاده ،،، - الله يطمن قلبك ويقر عينك بشوفته سليم معافا
- رفع
مواضيع مشابهة
تابعي تجارب أخرى من هذا القسم.