اختي اتعبتنا

السلام عليكم جميعا انا اليوم اكتبلكم موضوع اختي اتعبتنا كتير بمشاكلها هيا متزوجه من سنه وكل شهرين متخاصمه مع زوجها وجايبها البيت عندنا هيا لا تعرف تنظف ولا تغسل ولا تطبخ وكمان فوق هذا قليلت ادب مع زوجها ومعانا كلنا ترفع صوتها على ماما وتسب زوجها والله تعبنا معاها وفشلتنا مع زوجها وأهل زوجها زوجها مرا طيب الكل يشهدله بطيبته مسكنها في احلى بيت وسيارته كشخه ولمن نروح عندها ما يقصر في شي بس هيا لا تنظف ولا تعرف تنظف وهو يحب النظافه مرا و الترتيب وقلت ادب هو سكت عليها كتير الان ما يستحمل منها شي وممكن في اي وقت يطلقها كلمناها كثير بس للاسف ما تسمع حتى سمعت انو تسب اهله سب مو طبيعي عشان هو مو مقصر مع اهله وتكسر اغراض البيت اذا زعلت وتتضاب معاه فوق هذا هو سكت لمن يجيبها البيت يخليها شهر ما تسوي في البيت عندنا ولا شي بس تتكلم في الناس وشايفه نفسها مرا طيبه وهيا العكس قليلت ادب حتى انا ما اكلمها كتير من اول ماما هيا المسكينه في الموضوع والله قهرتني مرا وخايفه زوجها يطلقها ونخش في مشاكل وكلام الناس ما ينتهي وهيا السبب ايش الحل معاها يا بنات