امر بحاله عجيبه غريبه

سلام عليكم ، انا من شهر ٧ وانا امر بحاله غريبه خاليه من المشاعر لا احس لا بحزن ولا فرح ، ومافي شي يسعدني لا طلعات لا سفريات ولا غيره كل شي بعيني صار باهت ومظلم ، وصار فيني اهمال فضيع لنفسي من ناحيه البس والخلطات والدلع وحركات البنات ، استثقل كل حاجه ومالي خلق حتى احرك نفسي وفيني كمية سوداويه واحباط على خوف احس بعد ان يومي قريب ، مستغربه كنت نشيطه واحب الحياه ومرحه الحين مافيني طاقه كسوله وجهي عابس وكئيب هذا غير الاوجاع الي احس فيها ثقل برجولي وتنميل ، وتحاليلي سليمه ، فقلت ممكن العطاله والفراغ لها دور بلي يصيرلي لان انا لي حاولي 5 سنين عاطله و روتيني من بعد العطاله ثابت اني انام طول النهار واصحى اخر الليل واجلس ع جوالي حتى صلاوتي صرت اهملها للاسف ، ومن جهه ثاني عذبت اهلي معي ومن حالتي دايم امي تقولي الله يعينك ع نفسك ساعدي نفسك لكن ماقدرت احس معاد فيني طاقه ، هذا غير الطلعات والخرجات صرت اكرها اكرها لو اسمع سالفة طلعه ارفضها علطول بدون اي مشاوره واذا بطلع غصب عني اشيل ه الطلعه شهر كامل زي زواج اختي بعد سنه شايله همه من الحين ، اول سنه في العطاله كانت احلى سنه كنت اروح واجي ومدلعه نفسي اخر شي وثاني سنه نفس شي ام الثلاث سنوات الاخيره معاد صرت اهتم بشي لا بنفسي ولا باكلي ومالي خلق ، تصدقون حتى لما ابي اسولف ما اقدر احس مافيني حيل افتح فمي ، وغير هذا ي ناس الاستيعاب عندي صفر وربي ما استوعب ولا حرف الا بصعوبه وعقلي مفهي دايم ويوضح على شكلي انا مسرحه ، ومرات احس اني بحلم وفي دوخه ولما حللت سليمه