السلام عليكم شلون تتعاملون مع هالموضوع اذا شاب طلب رقم ولي امرج علشان يخطبج وانتي عطيتيه رقم امج علشان امه تتواصل مع امج شنو اتقولين حق امج قبل لا يخطبونج شلون تقولين حق امج ان في ناس تبي تخطبج ؟!
اولا هالشخص حاول ان يتعرف علي كذا مره بس انا رفضت لأني اخاف ربي واخاف على سمعة اهلي وانا مو مع الزواج عن حب وغيره لانه كله غلط
ثانيا اخوي يعرفه بس يعني مو معرفه معرفه ولا صداقه بس معرفه عاديه واهو من لما شافني مع اخوي صدفه كلمني من حسابي الي بالانستا وفاتحني بموضوع الزواج
وانا اخاف اذا هالشخص تقدم لي اهلي يحطون بالهم اني مكلمته واعرفه ف شلون اكلم امي وأقول لها ان في ناس طلبوا مني رقمج لانهم ناوين يتقدمون لي لازم اعطيها خبر قبل لا يدقون
لأني انا ما اعرف هالسوالف وما عندي خوات كبار علشان يكون عندي خبره بهالشي
شاركي في النقاش
سجلي الدخول لإضافة تعليق.
التعليقات
9- مادامه شافك مع أخوك كان قلت له روح لأخي وكلمه وهو يتصرف ليش تعطيه رقم أمك.
هس خبري أمك بالحقيقه وهي تتصرف وتعرف كيف ترتب الموضوع مثلا وكأن التعارف صار بين أمك وأمه - احنا اهني مو نفسكم ان يكلم الاخو ما عندنا هالشي علشان جذي قلت بعطيه رقم امي يتفاهمون معاها وانا للحين ما عطيته رقم امي بس حابه اعرف شلون اتعامل مع هالموضوع لان عندنا الشي يتم بين الأمهات مو بين الاخ او الاب العادات والتقاليد الي عندنا تختلف
- قولي لأمك فيه واخد جاي يبغى رقمك ممكن أعطيه ؟ هذا في حال انك لسه مااعطيتيه
او فيه واحد طلب رقمك وقال الولدة تبغى تكلم الوالدة وعطيته الرقم وخلاص بدون كثرة كلام - المفروض هووو يكلم امه تطلب رقم امك ..
- عادي جدا الموضوع استشيري امك قبل ما تعطيه الرقم .. خليك صريحة من البداية مع امك وان استدعى الأمر خلي امك تشوف الرسالة .. واحكيلها كيف شافك وخليك واثقة من نفسك واحكي لامك كل الموضوع طالما انت ما تكلمتي مع الشاب .
مواضيع مشابهة
تابعي تجارب أخرى من هذا القسم.