خطبت لاخوي وزوجته لسه ماتعرف

يعني ما يقدر بمهر الجديدة يقدم على شغالة تخدمه وتخدم عياله !
وسالفة الشعر اكثر الرسائل اللي تجي عروض ليزر ياخذ لها عرض جسم كامل كم جلسة وتنتهي السالفة كلها
ماش اللي يدور اعذار يلاقي
واعذار الرجال ما تنتهي

شوفو بعييييد عن موضوع العضوه هو صحيح او لا

بذمتكم لو زوجة اخوك زي كذا واخوك يشتكي وطبيتي بيتهم فجأه ولقيتيها مهمله جداً ببيتها ونفسها وعيالها
بذمتكم عادي؟

وسؤال بطريقة ثانيه
لو انك متزوجه واحد مايهتم بنظافته الشخصيه وطول الوقت يسهر ومستهتر بأداء واجباته اتجاه زوجته وبيته واطفاله ايش راح تسوين؟

بعض الزوجات تصبر على امل يتعدل والبعض يطلبن الطلاق النفس تعاف لان اهم حاجه بالزواج الانسجام وتأدية الحقوق مبادلةً من الطرفين

وماألوم الزوج في حالة صبر صبر وماظفر
على أمل تتعدل
كيف يتزوج ثانيه؟ وكيف يخطب؟ ووين أمه واخواته
لو كبرتي بالعمر او وحده من اخواتك وجاها واحد يبيها الثانيه ماحتقولون فيه اهله؟ فين امه؟
التعدد ماهو ظلم اتقو الله
مرات خيره وعسى ان تكرهو شيئاً وهو خير لكم
ولو ربي اراد ان يرجعلها ومايتزوج ماراح يسير فليش الدعاوي على الاهل وعلى الاخت وووووو
ليش كل ذا
كل وحده تحافظ على بيتها وتخاف الله
واللي مريضه زوجها ماحيقصر وبتجيب شغاله بالساعه او اليوم وتعينها

الله يوفق الجميع

لاتخافون الدنيا دواره مثل ماخطبت لاخوها بكره يجي اللي يخطب لزوجها كماتدان تدين صدقيني افعالك بترجع لك

مستحيل أتدخل او أخطب لأي احد علي زوجتة حتي لو كانت عندة أسباب قوية
هو يروح يخطب بنفسة
اخاف تدعي علي زوجتة دعوة تدمر حياتي او الله يبلاني ويصير لا قدر مثل ماصار لها
في مثل هذي المواضيع المفروض يا بنات ماتتدخلون ابداااااا
ودايما اقول لزوجات اخواني هذا الكلام