ادعولي قربت انجن مشكلتي مالها حل

السلام عليكم ورحمه الله


يا بنات خلاص انا تعبت والله تعبت ما بقى شي ماسويته بس ما في فايده مشكلتي منقصه على حياتي صرت منطويه مكتءبه اخاف من اجتماعات الناس
مشكلتي من الصغر وهي العرق انا من النوع اللي يعرق بسرعه بشكل عام جميع الجسم وخاصه الإبط رحت لطبيبه عطتني دوا لتقليل العرق ونفع معاي استخدمه بين فترة وفترة لكن المصيبه ان الريحه نفس ماهي رحيه كريهه حتى لو كان العرق قليل وفقط في ابط واحد والله اني انحرمت من كل شي حلو تدرون اني اتحسف اشتري ملابس او مكياج ولا عطور إيش الفايدة مادام بالأخير ما الحق اجلس شوي الا بدت الريحه تطلع وتعالي شوفي نظرات الناس لي كأني قذرة ودي أصرخ وأقول يا ناس تراني نظيفه بس والله مو بيدي تخيلوا اني تحملت الاهانه والكلام الجارح بالمدرسة الي جنبي تتكلم بصوت عالي وتقول هذي بكرة لو تتزوج ثاني يوم تطلق وانا اسوي نفسي ما افهم والله اني كنت اعد ايام الاسبوع علشان افتك من التجريح غير اني نص الأيام غايبه ومع ذلك جبت معدل بالتسعين وجلست بالبيت طيب إلى متى
احيانا افكر لو الانتحار حلال كان فكيت نفسي وفكيت الناس من اذيتي
فضفضه كتمتها في نفس فوق 15 سنه ما تكلمت بها لأقرب قريب
ادعو لي بالشفاء والي مرت او تعرف احد مر بحالتي او الي تعرف دكتورة جلديه تفيدني وجزاءها عند ربي عظيم
اللهم احيني ماكانت الحياة خير لي
للعلم استخدمت مزيلات كثيرة دوف وليدي سبيد وركسونا ومام ونيفينا فيبكس شبه
والان لويس ويدمر مع انه فوق ميزانيتي لكن قلت اجرب يمكن ينفع ونفس الشي الريح في ابط واحد فقط الثاني نظيف وما فيه ريحه
الاكل ما اكل بصل ثوم حلبه واغسل صابونه لايف بوي وديتول الملابس ما البسها أكثر من مرة حتى العبايه اغسلها يوميا واستخدم مكينه براون للحف
قولولي بقى شي ماسويته انا غافله عنه

90 تعليق 15,195 مشاهدة

شاركي في النقاش

سجلي الدخول لإضافة تعليق.

التعليقات

88
  1. @dydydydy

    هلا حبيبتي
    الله يعينك
    حاولي تستخدمين صابون لوكس مافي احسن منه
    وبعدها مباشرة تحطين شبة مطحونة تاخذينها من العطار مافي احلى منها
    بللي المنطقة وحطي والله روعة
    ان شاءالله اكون افدتك
  2. @samps_1

    صاحبة الموضوع
    يا مشرفات اسألكم بالله اتركوا الموضوع هنا كم يوم لعل الله يفرج همي بسببكم
  3. @athd_alaaalmr

    سبحان الله والله غريبه
    وحده من جماعتي كذا وكنا نتذمر من الريحه يارب سامحنا شككنا بنظافتنا الله العالم لو هي مريضه
    بس ان شاءالله تلاقين حل ابحثي لاتياسين وقولي الحمدلله ماهو عيب في شكلك تهون ان شاءالله
  4. @dyary_sa

    جربي الشبه وفي عند العيادة يضربون ابر عشان التعرق
    روحي مستشفي اسالي عنها
    لاتفشلين ولا شي كل شي له حل
    وتري كثير مثلك
    واشربي زنجبيل
  5. @khthny_fy_hdnk_hbyby

    يمكن المشكله عشان تشيلين بالمكينه وتتطلع ريحه ماتتدري كلش جايز جربي كريم نير إزاله الشعر ..تلاقينه بالصيدليه ..اذا مانفع جربي الحلاوه منتي خسرانه..

تابعي تجارب أخرى من هذا القسم.