ريحانة يا عسل..اذيك حبيبة....وشمار التيرمين ده جد لكن كده احسن من نظام السنة....تخلصوا اول باول...الله يعينكم بس.....شدي حيلك وخلي ماما تدعي ليك دعوات الام مافي زيها حبيبتي......:26:
ماريا العسل...ياحليلك حبيبتي....انا تمام واختي تمام ومساعداني كتير لكن نوامة.....برجع من الشغل بلقلها يادوب صحت....ياحليلها لكن ونستني وخففت على كتير...غير كده كل يوم بتعمل لي مساج لرجلي الورمين....جد احلي زولة اختي دي....
بخصوص جيلا اتصلت بيها مرتين وماردت رسلت ليها مسج ردت لي بانها مشغولة شديد...قمت رسلت ليها قلت ليها اول ما تفضي تديني خبر علشان اتصل واتفاهم معاها.......ان شاء الله خير بس:26:
.....طبعا انا مسلسلي الوحيد بتاع المارقون اللي كنت متابعاهو خليتوا........ زمن مافي جد....والمشي ياعسول بديت اتمشي لكن وقفت لكن احتمال ارجع تاني الاسبوع ده......
بلدي ياحبوب .....كيفك انت...وعمرة مقبولة حبيتي......يارب ماتكوني نسيتني في دعاك انو ربنا يسهل على ويحلني بالسلامة وكلكم يابنت ادعوا لي...ده انا غلبانة......
أم صالح......صلوحي كيفنو..وانتي وينك حبيتي غيبة شديدة.......ليك وحشة جد يا عسل....:26:
بنات...العندها رقم هدوية ترسلوا لي جد قلقانة عليها شديد......يارب تكون كويسة بس وابوها بقي احسن كتير.....يارب....
مجنونة....انتي وين يابت.....وليه قطعتي فجاءة كده......ده كلوا صيام....اظهري يلا ياعسل.....
على ضفاف النيل (ملتقى حواء السودان) الجزء التاني .................
متابعة النقاش، صفحة 257