التباشير 6 لمواليد سبتمبر وأكتوبر 2017

ولدت ١ اكتوبر
يوم الاحد

الله يجزاك خير بالعكس افتديني انتي والبنات

العسل مضاد حيوي
وبيحمي من الالتهابات وبيشفي الجروح بإذن الله
ومقوي للجسم
وفيه شفاء للناس
فأنا بشربه وبقول
على نية الشفاء من جميع الأمراض الجسمية والنفسية

النفاس تعب
والحمل تعب
اصلا الحياه كلها في كبد
لازم نجاهد انفسنا محد مرتاح


ازمه وتهون ونرجع احسن من قبل ان شاء الله


بنتي ارضعها من صدرى ولله الحمد ما انكر انه موووت الى هذا اليوم بس ماعليه نصبر


وبنوتي مرتاحه الحمدلله مادخلت الصناعي ابد اريح لها ولا ناويه ادخل الصناعي ممكن اذا بطلع ارضعها بالسياره لين تشبع واخذ رضعه يانسون
وبكل مكان فيه مصلى اذا كانت تصيح اروح مصلى عشر دقايق
وللمغص السمن البري حطي داخل فمها بأصبعه لحسيها ينظف البطن
لي اليوم ٧ ايام
انا من التعب مسمره حيل من تعب الحمل والنفاس مبين حيل الارهاق علي


خرمت اذن بنتي امس وطلعت كيووت
الله يحفظها

أكشن ولادتي
الاربعاء ٧ /١


كنت مخلصه التاسع لي يوم
معوشره
الثلاثاء اللي قبله كنت احس بطلق بس بارد كان الطلق معي من اسبوع بس بارد
الاثنين كنت مسويه تحريض
المهم كل سبل الولاده سويت ماخليت شئ مشى خلطه قمم التميز انا ناس جماع قرفصاء


يأست الا من رحمه ربي
فقرر قرار يوم الاربعاء اروح للطوارئ يشوفون ويسون لي تخطيط ليله الاربعاء كان فيه جماع قمت الفجر ٤ونص ومعي طلق كالعاده خفيف صليت الفجر وجلست اقراء سوره مريم وخلال القراءه سمعت صوت عنق الرحم والله ي بنات كأنه قنبله بوووم خفت وش هالصوت ماهي رفسه والا شئ سكتت وجلست اكمل القراءه وكان موضع سجود سجدت لما وخرت الكرسي زوجي خاف يحسبني طحت ولما قمت من سجود التلاوه الا المويه تنكت مويه الرحم
فرحت وخفت وعرفت انه الفرج رحت الحمام وغيرت الا المويه تزيد وبشرت زوجي ولاده فرح وخاف كانت الساعه ٥وربع او نص قال بوديك قلت اصبر لين يطلعون عيالنا للمدارس شربت حليب وزعفران وحبه رطبه فقط وحطيت بجنطي مويه بالرقيه بزعفران
المهم الطلق حامي بس وسط غيرت لبسي ولبست فوطه وجلست امشي بالحوش جاء زوجي من المدارس وع ماطلع ولدي الكبير كان الساعه ٧ الا ربع
طول الطريق بس ادعي والطلق صار كل خمس دقايق وصلنا مستشفى الحرس الوطني كانوا حيل باردين وانا خلاص مو قادره اتحمل ماعرف اجلس او امشي او اتكلم الالم مررره بالكشك قالوا انتظري اجلسي بس انا مو قادره جاء الدكتور ٧ونص كشف علي قال مفتوح ٧ ولاده وطلعوني للولاده دقيت ع زوجي قلت غرفه المحاض ٩ غيرت لبسي وحطوا قياس الطلق وانا ماني قادره لما اطلق ادعي واستغفر وزوجي معي يهديني الممرضات الكل مشغول بالتجهيزات والبيانات وانا ماسكه نفسي ومتصبره ياارب يااارب هونها وادعيه الولاده دخلت غرفه الولاده ٨ الاربع تقريبا وكنت اطلق وادفع وانادي السستر ولاده سستر بيبي بيطلع تقول استني ماما وتشتغل ماهي يمي زوجي كان عند راسي وقلت له اذا دفعت خلك وراء الستاره المهم جت الدفعه القويه وانا ادفع والممرضات يصارخون استني ماما ويدقون جرس الانذار وتمتلى الغرفه ممرضات لاتدفعيين وانا ماحد همني وانا ادفع واصرخ ذيك الصرخه لاشعوريا واحس بحراره وازرقاق والنفس خلاص سبحان الله نزع روح من روح وادفع واحس بلذه انزلاق الرأس والكتف ويصارخون ماما مبرووووووووووووووك بيبي كانت الساعه ٨وثلث ابتسمت ابتسامه رضا واسمع صرخاتها واواواوا لب الصوت ورفعوها قالوا شنو بيبي قلت بنت طبعا زوجي خلف الستاره ويسمع كل شئ وكان يهديني وتعوذي من ابليس هانت بس ماكنت يمه ودقوني ابره ع طول بالفخذ وقالوا باقي المشيمه تعبتني شوي ثم الخياطه مع انهم ماسوا لي توسيع بس طولت حيل بالخياطه قلت ليش كل هذا قالت لان الجلد ٣ طبقات وتقريبا عدد الغرز عشر وفيه جلد ميت بنقصه ونرتب المكان المهم ما كنت اتألم بس نفسيا تلما خلصت كل شئ جلست ابكي وزوجي يهدي فيني والسسترات ماما تعبانه قلت لا بس كأني بحلم مو مصدقه
ورحمه ربي وسعت كل شئ الا تسعني شعور لايوصف
والله الذي لا إله إلا هو احس كأني بجنه الله يتمم لي ولكم لاني من تعب الحمل خلاص حسيت بظل كذا ماراح اولد من الهم والتعب والتفكير وازعاج الناس ماولدتي والضغوط من كل جهه
وبس امسك بنتي وارضعها واضمها واحمدالله ع جميع النعم ماظهر منها وما بطن
ادرى طولت عليكم