التجمع التاسع لمواليد نوفمبر & ديسمبر ٢٠١٧

وعليكم السلام
هلا و مرحبا
عودًا حميدًا ♥️


جود جميل ماشاء الله

عظم الله اجرك غيم وسحاب والله يغفره ويرحمه ويجعل قبره روضه من رياض الجنان


والي ساكنه بيت جديد اتوقع قشوطه منزل مبارك

ومشترياتكمم تجيب الحماس مشاءالله روعه

والي تشتكي من عظامها تشيك ع فتامين دال الحمدالله قبل الم الورك مو طبيعى طلع عندى نقص حاد فتامين وبعد ماخذت فتامين دال تحسنت عظامي وخف الالم الحمدالله

والله يهون علينا ونبدا بالتباشير

مساكم الله بالخير جميعا
أخباركم كروشات


صاير وضعي اقرا وامشي ياخي ماكو وقت😥


أختي وادي المطرون ياحبي لك في كلمة بخاطري لازم اقولها
موضوع ابرة الظهر


في بنات هني مضطرين لها لأي سبب اومخططين يخلونها من ضمن خياراتهم وقت الولادة بس كثر الكلام عنه بهالطريقة ممكن يسببلهم خوف ويرهبهم وهم ماسبق لهم تحربته اما بكريات او ماسبق اخذوها ..
وقد اطلعت علموضوع اللي نزلتيه عند فوايد واضرار هالابرة وكلها صحيحة ومعروفة اساسا دكتور التخدير بالتسبة لي قبل لا يعطيني اياها جلس معي جلسة سريعة وقالي عن كللل الكلام المكتوب بالموضوع من اثار جانبية ونسبتها بين الناس كم وعن الفوايد والراحة منها ووقتها قررت اخذها والحمدلله ماتحسفت لولا الرجفة اللي جاتني وهي من ضمن الاعراض كان رجعت ثاني خذتها ..


ومستشفيات الدول برا ياخذون موافقة الأم عالابرة بوقت مبكر حيل من الشهر الخامس او السادس تقريبا وتكون الام مهيئة بجلسات ودروس معينة لطريقة الولادة والدفع كلها تجي مع موافقتها عالابرة
حنا بدولنا ماعندنا مثل هذا الاهتمام
بس الوحدة فينا لما تجيها الولادة وتدخل المستشفى اللي تكون مختارته من قبل بعناية مو حي الله وعارفة دكتورتها هذا لو بالخاص ..
وتدخل توكل امورها كلللها لله سبحانه بأنه بيحفظها ويطلعها هي وجنينها بسلامة وعافية ..
وان حصل وصابها شي سئ أيا كان سببه وأثر على صحتها هني يجي دور الرضى بالقضاء والقدر والمحاولة بجميع اسباب الشفاء ..


رحت اطلعت على تجمع اكتوبر وشفت سالفة البنت اللي قلتي الله يرفع عنها ويمدها بالعافية
بس لو لاحظتي كم عضوة ردوا عليها انهم اخذوا الابرة وماجاهم الا العافية ..
وهي بنفسها قالت هذا خطأ من الدكتورة غرزت الابرة لين تسرب السائل يعني نقدر نقول خطأ طبي


والأخطاء الطبية شي وارد عند الكل ربي يحفظنا وياكم منها
الوحدة فينا لو بس تروح تسلم نفسها لمستشفى الولادة اهي معرضة لكل شي ممكن يطري عالبال
بس احنا مانفكر بهالطريقة ولا ربي يرضى لابن آدم يفكر كذا
التفاؤل وحسن الظن بالله والدعاء درع المسلم وحصنه من كل شر


اقولك شي
اقرب صديقاتي يوم ولادة اختها ولادة طبيعية جاها نزيف وقررت لها الاستشارية استئصال الرحم وشالوه لها
واستمر النزيف ماوقف بعد يومين طلع عملية الاستئصال مالها علاقة بالنزف ومكانه ثاني
وهذي الحين البنت خسرت الرحم ومعروف خسرت اي طفل ممكن يجيها تالي
مع انها والدة بمستشفى خاص معروف وعند دكتورة استشارية الكل يمدحها بس هذا تقدير الله والدكتورة قالت لهم هذا اللي حصل خطأ طبي والحمدلله ربي سلم بنيتكم وطلعت لكم سالمة .


يعني باختصار كل وحدة تطرح رايها بناءا على قناعاتها او تجربتها وهي حرة فيه وربي يوفقها ويسهل أمورها


بس بدون طريقة الترهيب والتخويف اللي ممكن تضر اكثر مما تنفع خاصة للي ماجربوا


وشكرا 🌷💌

كلامك رائع جدا
واسلوبك راقي
تحيه طيبه حبيبتي 😘
ومعك في الي قلتي

حلو انا محتاره مادي اولد فيه ولا مستشفى الملك سعود حق عنيزه يمدحونه مرت اخوي ولدت فيه تمدحه