الله يخليكم واسوني

السلام عليكم خواتي انا ضيفه يديده معاكم اتمنى تقبلوني بينكم والاقي عندكم الخلاص من همومي انا بختصار ياخواتي انسانه ملتزمه ولله الحمد ومن اسره محافظه شاء الله سبحانه وتعالى ان يبتليني بتقوس الساقين ولكن ليس بتقوس الشديد ولكنه ملاحض مع انعدم لقوس القدم انا راضيه بحكم الله وشاكره نعمه بس الي مضايقني انه تقدملي ولد الحلال ورجال مرموق ومن عايله حاولت اني اعلمه بعيبي لاني مابي اغشه بس ابوي الله يسامحه رفض يعلمه واوهمني انه قاله وليله الدخله حسيت الارض بتنشق وتبلعني وهو يناظرني صح مابينلي بس انا حسيته محبط المهم عدت الليله على خير والرجال طلع كريم وشهم معي لابعد الحدود وعمره مالمحلي او حسسني بالنقص بالعكس دايما يحاول يحتويني بحبه بس المشكله فيني انا دايما عندي احساس بالنقص خصوصا لما اجلس مع خواته وهما دايما يتكلموا عن الموضه عن اللبس القصير او الصنادل المفتوحه وكل وحده اتحاول تتفنن باغراء زوجها والله يابنات ارجع البيت وادخل الحمام واجلس اصيح بالساعات بدون لايحس فيني احس اني ظلمته معي هو شاب وسيم ومن عايله مرتاحه يعني الف وحده تتمناه والي زاد عذابي اني مره طحت وجرحت رجلي لقيته يوطي ويبوسها ولماقلتله ليش تسوي كذا قالي الدنيا كلها عندي ماتسوى تراب رجولك هالكلام يدبحني اكثر وهو مايحس صحيح انا حلوه بشهادة الجميع بس وش الفايد بجمال ناقص وش الفايده وانا مااقدر البس قميص نوم عاري مثل باقي الزوجات دايما لابسه طويل بالبيت ياما جابلي ملابس عاريه وقصيره وماالبسها ومستحيل البسها ارجوكم يابنات لاتحرموني منكم ومن مواساتكم لي علموني وشسوي كيف اقدر اتغير كيف اقدر اتكشخ واصير حلوه بعيونه تراني مهمله لنفسي فوق ماتتصورون اخر مره رحت فيها صالون من تقريبا سنه وهو صابر وحاطني بعيونه بس اخاف يجي يوم ويطفش:(

24 تعليق 2,602 مشاهدة

شاركي في النقاش

سجلي الدخول لإضافة تعليق.

التعليقات

24
  1. @drb_alhmom

    صاحبة الموضوع
    على فكره انا اخت درب الهموم بس لسه مااشتركت بالمنتدى علشان كذا شاركت باسمها وسامحوني
  2. @aasoool

    اهلينننن حبيبتي:)
    تدرين حبووبه اذا الله عزوجل احب عبد ابتلاه
    وان شاء الله ان ربي يحبج وعشان جذي لازم ترضين بقضاء ربج وقدره
    موبس بالكلام بل حتى بالفعل
    ربي كافئك برجل شهم وطيب وحنننوووون وهذا الواضح من كلامك
    ومبين انه يقدرك وموشايف ان هالشيئ عيب فيك بالعكس
    كل انسان له عيوووب والحمدلله ان العيب خلقي مو خٌلقي
    الحل اولا واخيرا بيدج ياقلبي
    اول شيئ لازم تقتنعين بنفسج وترضين فيها وتحبينهاا لان اذا الواحد ماقدر نفسسه وقيمته لا يلووم الناس اذا ماقدرووه
    مو الا نسووي كل شيئ بالحياة عشان نصير سعيديين تقدرين تسعدين زوجك بطررق كثيييررره
    وبعدين مدام ان زوجك جايبلك هالشغلات هذا دليل انه حابك ومتقبلك كذااا
    ف الدور هنا عليك انتي لازم تتقبلين رووحك وتحبينهااا عشان هو يحبك اكثر واكثرر
    قوي ثقتك بنفسك وعززي مواطن الجمال فيك والتقووس الي برجلك مو نهاية الدنيا في حلوول كثيرة وبدائل بس انتي لازم تثقين بنفسك اكثر وتحبينها اكثر
    وربي يتمم على زوجك ويسخررره لك يارب ويزيدك ثقة بنفسسك وبجمالك :)
  3. @am_mlak15

    ليش حبيبتي تسوين في نفسك ها الشكل انتي تبين تخسرين زوجك الي تحبينه ويحبك لاتقولين ساقي فيها عيب ارضي با الي عطاك ربك يا بنت الحلال واهو لو انه شايف ها الشيء مشينك او شيء من ها الكلام كان مارضى فيك ولا حبك احمدي ربك . ربك يحبك ان شاء الله رزقكك رجال يحبك ويموت فيك
    يا بنت الحلال سوي الي عليك وخلي الباقي على رب العالمين اكشخي والبسي ولا تحرمينه اذا انتي تحبينه مع مرور الوقت والله تعودين
  4. @drb_alhmom

    صاحبة الموضوع
    يجزاكم الله كل الخير عني كلامكم يبرد القلب بس شسوي مو بيدي انا حتى خايفه يجيني بيبي وفيه نفس عاهتي مابيه يحس بانقص مثلي
  5. @am_mlak15

    حبيبتي توكلي على الله
    وونسي عمرك ونسي زوجك با العكس هو الي يبي والدليل جايب لك قمصان وهو عارف الي فيك احمدي ربك هو راضي ومبسوط

تابعي تجارب أخرى من هذا القسم.