الله يخليكم واسوني
السلام عليكم خواتي انا ضيفه يديده معاكم اتمنى تقبلوني بينكم والاقي عندكم الخلاص من همومي انا بختصار ياخواتي انسانه ملتزمه ولله الحمد ومن اسره محافظه شاء الله سبحانه وتعالى ان يبتليني بتقوس الساقين ولكن ليس بتقوس الشديد ولكنه ملاحض مع انعدم لقوس القدم انا راضيه بحكم الله وشاكره نعمه بس الي مضايقني انه تقدملي ولد الحلال ورجال مرموق ومن عايله حاولت اني اعلمه بعيبي لاني مابي اغشه بس ابوي الله يسامحه رفض يعلمه واوهمني انه قاله وليله الدخله حسيت الارض بتنشق وتبلعني وهو يناظرني صح مابينلي بس انا حسيته محبط المهم عدت الليله على خير والرجال طلع كريم وشهم معي لابعد الحدود وعمره مالمحلي او حسسني بالنقص بالعكس دايما يحاول يحتويني بحبه بس المشكله فيني انا دايما عندي احساس بالنقص خصوصا لما اجلس مع خواته وهما دايما يتكلموا عن الموضه عن اللبس القصير او الصنادل المفتوحه وكل وحده اتحاول تتفنن باغراء زوجها والله يابنات ارجع البيت وادخل الحمام واجلس اصيح بالساعات بدون لايحس فيني احس اني ظلمته معي هو شاب وسيم ومن عايله مرتاحه يعني الف وحده تتمناه والي زاد عذابي اني مره طحت وجرحت رجلي لقيته يوطي ويبوسها ولماقلتله ليش تسوي كذا قالي الدنيا كلها عندي ماتسوى تراب رجولك هالكلام يدبحني اكثر وهو مايحس صحيح انا حلوه بشهادة الجميع بس وش الفايد بجمال ناقص وش الفايده وانا مااقدر البس قميص نوم عاري مثل باقي الزوجات دايما لابسه طويل بالبيت ياما جابلي ملابس عاريه وقصيره وماالبسها ومستحيل البسها ارجوكم يابنات لاتحرموني منكم ومن مواساتكم لي علموني وشسوي كيف اقدر اتغير كيف اقدر اتكشخ واصير حلوه بعيونه تراني مهمله لنفسي فوق ماتتصورون اخر مره رحت فيها صالون من تقريبا سنه وهو صابر وحاطني بعيونه بس اخاف يجي يوم ويطفش:(