قلت وارجع اعيد وازيد الحفايظ مو وسخانه اللي تقول وسخانه ايش شايفتني وسخه لهدرجة ؟!! هم يفكون الدولاب وينزلون الحفايظ من الكيس ويلعبون فيها يعني الحفااااايظ جديدة ونظيفه ... مستحيل اخلي حفاظة وسخانه بالارض ولو ثانيه وحده والبيت كل شويه انظفه و امسح الارضيات كل يوم بالمويه والمطهر واطفالي صغار جبتهم ورا بعض كل م انظف يحوسوا البيت وارجع ارتب وانظف وهو مايسوي شيء بالبيت .. انا اتعب و احوس ويجي حضرته من برا يدور ويشوف البيت ويعلق ليش كم حفاظة مرمية بالارض !!!! وليه القلم ذا مرمي بالارض ؟
هو صار يضربني ع اي حاجه .. مثلا مره قاعد يصرخ علي ساعه كامله وانا تعبانه ومعايا صداع وقلت له اني تعبانه ويصرخ ويغلط .. انا ساكته ... قسم بالله ي بنات ساعه كامله .. شيء يغث الكبد ؟؟؟!!! يعني مهما كان انا انسان ؟؟؟ حتى امي ماصرخت علي زي كذا ؟!!! واي وحده مكاني م راح تتحمل احد يصرخ عليها بالساعات عشان قلم مرمي ع الارض ؟ قلت طيب ومعليش انا كنت تعبانه و م اقدر اقوم والولد دخل الغرفه واخذ القلم من جنبي وانا م ادري .. وبرضو يصرخ بعدها بكيت لا ارديا بيني وبين نفسي وطلعت لغرفة ثانيه رجعت بعد نص ساعه واقف عند الباب رجع يبربر قمت بدخل الغرفه مسكني بقوة من كتفي يقول انا اكلمك لما اكلمك توقفي فين رايحه قلت بروح اجلس قال لا اوقفي هنا انا صراحه وقتها وصلت حدي صراخ ساعه + بربره +غلط + تعبانه ومصدعه + بعد نص ساعه جاي يبربر مرا ثانيه ويعلمني فين اوقف انا مشيت بقوه قلت سيبني بروح اجلس جاء ضربني !!! ع كل شيء صار يضرب
انا فكرت اليوم بحياتي معاه احس مابيننا اي احترام ..
قررت بعد سنه من الان اتطلق .. من الحين راح اضبط وضعي و اجهز للطلاق .. واذا مد يده راح اضربه بكل قوتي وبعدها ابلغ عليه واتطلق ..
صراحه الوحده احلى من العيشه مع حيوان زي كذا .
الحقير توه ضربني ساعدوني
متابعة النقاش، صفحة 11