تغيرت عليهم للاسواء وصاروا يحترموني ويقدروني طيب ليه ؟!!!!

مساء الخير
حبايب قلبي وعيني باستشيركم بشغله وكل وحده تكتب لي وجهه نظرها الاغلب هنا واعي ومثقف ورده يهمني
انا شخصيتي عموما مره طيبه يعني الصدق ينضحك علي وماعرف اقول لا ابداً لااهلي ولا اهل زوجي ولا جماعتي
خلو اهلي ع جنب لاني ماتغيرت عليهم انا انصدمت واستغربت من نفسي تغيرت على جماعتي تقريبا لي شهرين صرت اقول لا بوجيههم بطريقه حلوه يعني اول ماقررت اتغير مره قعدت مع نفسي وحسيت اني غبيه بصراحه اشوف من الناس انها تستخف فيني يعني اذ جو يطلبون مني حاجه او خدمه كانه شي مفروض علي بالبدايات كانوا يتشكرون وكذا لين صار الطلب ع شكل انه واجب واذ سويت الشغله اللي يبون والله حتى شكراً ماسمعها انا والله ان نيتي طيبه واحب اخدم الناس عموما واحس براحه والله بس شفت صراحه عدم تقدير لي ابدا وماصرت احس بالندم اذ قلت لا
وشفت اللحين يحترموني اكثر من قبل وهالشي اللي خلاني انزل الموضوع
سؤالي للكل ولكل وحده تدخل وتقولي وجهه نظرها ولها الاحترام والتقدير مهما كان ليه الناس كذا ؟ ليه الطيب بهالزمن ذا يستخفون فيه
انتم مريتم بناس كذا او اللي عندي غريبين والله اني نقلت لكم الصوره زي ماهي مستغربه الاحترام والتقدير لي بعد ماصرت اقول لا ، ماقدر ، معليش مشغوله !!!!!

29 تعليق 5,513 مشاهدة

شاركي في النقاش

سجلي الدخول لإضافة تعليق.

التعليقات

27
  1. @shmokh_alfrag

    لان يا حبيبتي الناس تحب اللي قوية شخصيته ويفرض احترامه
    لما ترزين نفسك وتحطين لك قدر يحترمونك غصب
    اما اذا صرتي ضعيفه وما ترفضين طلب حتى لو على حساب نفسك وكل شوي حاضر وابشروا ومن عيوني
    يبدون يشوفونك ضعيفه ويستغلونك
    ويقولون عادي فلانه مراح تزعل ومراح ترفض صاروا ما يحطون قدر لك
    كويس يكون الشخص طيب وحبيب بس بعد يكون حازم ويعرف متى يقول لا
    اذا صرتي كذا بتتغير نظرتهم لك ويحتارون بأمرك ويصير لك شخصية وحضور عندهم
  2. @shth91

    الاعتدال في كل شي مطلوب .. لا تكن لينا فتعصر ولا صلبا فتكسر .. اذا شي ما تقدرين عليه قولي لا ما اقدر او ما ابي .. شي بديهي انك لما بتفتحين للناس باب العطاء بلا حدود رح يستغلونك و هذي من طبيعة البشر .. كوني مثل ما انتي بس لازم تعرفي متى تقولي لا بالوقت الصح ..
  3. @baky_aml_5

    يا حبيبتي الطيب بهالزمن الناس تضحك عليه هذا شيء عارفينه الزمن تغييبر مهو مثل زمان اول خلاااص انسي الناس الطبيه الي راحوا الله يرحمهم


    الأفضل تكونين معتدله لا تكونين لينه مره معهم ولا قاسيه خلك وسط وهو على حسب كل شخص تقابلينه
    انا أعامل الناس مثل ما يعاملووني هذي قاعدتي ✋🏻
    كل شخص يعاملني بأحترام انا احترمه و كل شخص يعاملني بقلة أدب انا مثله عادي عاملي الناس كما يعاملونك 👌🏻

تابعي تجارب أخرى من هذا القسم.