قربوا شوي

السلام عليكم يسعد صباح السهرانين
يا حبايبي اعتبروا كلامي فضفضة وتنفيس وابغى دعواتكم براحة البال انا صايرة في الفترة الاخيرة مزاجي متعكر واعصابي تالفة عيال ومدارس وانظمة زبالة ومحسوبيات من شوي ابحث عن طريقة لتخفيف التوتر وربي من قو التوتر والاجهاد العصبي عيني ترف لها اسبوع وذي الحالة ما تجيني الا اذا انضغطت المشكلة اني احس غير اني قصرت مع زوجي وعيالي احس اسبب لهم ازمة واسوي لهم جو كئيب في البيت.. طبعا ما في خدامة ويمكن انه جزء من المشكلة في ضغط علي كبير
مثلا الاسبوع اللي راح وصلت بيني وبين زوجي للشيطان الرجيم وكلش لا اكلمه ولا اطالع فيه غير الاتهامات والهواش وتنبيش الماضي وذاك اليوم قلت وذاك اليوم سويت وهكذا.. . والبيت والعيال بالبركة يا رب تسامحني والله مو بيدي وما كنت ادري ان الدورة قريبة والا عادة اعرف هالحركات واتعوذ من الشيطان والله صرت مكتئبة لدرجة لو يجي يقول لي احلا ما اتمنى ما بفرح ولا عندي اي مشاعر سعادة ...ابغى كل وحدة اذا مرت بهالحالة من المشاعر وخاصة ازمة ما قبل الدورة وش تسوي حتى تكون التلفيات بسيطة
وترا الازمة ذي الحمدلله مو شهريا !! لا تخليني فترة الين انسى وفجأة تهجم علي ضيقة يا جعلكم ما تذوقونها ابغى حللللل
تدرون وش اسوي انا ؟؟اعيييش الجو وابكييييي واقلبها نكد وخلاص حتى ما اقدر اكل ولا اشرب وكله في غرفتي ومطفية النور وحالتي كسيييفة
هاتوا حالاتكم يمكن وحدة مجربة طريقة تنفس كربة عن اختها المسلمة
واحلى تحية لأحلى صبايا 😘