خايفه اتطلق

الحين مو وقت ملام وليش ما ليش ... انتي اخطيتي لما طلعتي من بيتك
لاترجعين وتفشلين عمرك وتفشلين اخوك
ردي عليه رد مختصر انا ماني عايفه بيتي بس لازم تجي وانتفاهم اذا كان يبيك ومو مرخصك راح يجيك واذا كان مرخصك ماعليه حسافه

استغرب من البي تقول اصبري ما اصبري الادمي مد يده عليها اهانها انتي منتي من الشارع عشان يضربك ويهينك انتي بنت ناس وعالم والرجل اذا ضرب مرة يده تتعود ويضرب على اتفه شي سامحي كل شي واصبري على كل شي الا الضرب الحل قولي لاخوك ولا ابوك وخليه يحلف انه ما يعيدها واصلا اللي يمد يده على انثى مهو رجال

انا اشوف انك تتجاهلي رسالته
لان الواضح انها تخويف لك لو بيطلقك كان طلقك بدون لا يرسل و لا يعطيك خبر
انتبهي ترجعي عشان رسالته ترى وربي يتعود على انه يضربك اصلاً شكلك بيكون غبي اذا رجعتي ذحين بتوضحي له انه تهديده جاب نتيجه و خايفه من الطلاق
تجاهلي الرساله و لا تردي عليه و لو تحضريه احسن برضو و خلي الموضوع في يد اخوك
لا توضحي له انك ميته عليه خليه يعرف انه على غلط و انك بنت عندك عزة نفس و وراك اهل و عزوه 💕💕
و اقعدي استغفري كثييييير و رددي دعاء اللهم الّف بين قلوبنا و اصلح ذات بيننا كرريه كثير في السجود ربي بيحلها من فوق سابع سما لا تخافي بإذن الله ترجعي بيتك بكرامتك محفوظه و راسك مرفوع يا قلبي

تعوذي من ابليس و ارجعي بيتك لا تعاندين و هدديه باسلوب قوي وبدون صراخ وهواش انك اذا كررها ومد يده عليك مره ثانيه مارح تسكتين له و انه ماله داعي ذا الاسلوب الهمجي فيه شي اسمه تفاهم ونقاش ..و انتي بعد حاولي تتجنبين الاشياء اللي انتي تدرين انها بتعصبه وتنرفزه و لا تراددينه وهو معصب انتظري الين يهدا ..والا اذن طين واذن عجين 😏👌

بالله ترجع كيف بدون لايجي يكلم اهلها
اذا رجعت بهذي الطريقه بتكون كسرت اخوها وهانته وهو ماتدخل الا عشان خاطرها
بالله كيف بيرجع مره ثانيه اذا ظربها يتدخل اخوها?????
وهي تخطته بالمره الاولى ورجعت بدون رايه


لا مانصحك بهذي الحلول يجي هو ياخذك بنفسه مو شرط رضاوه وعشاء وكلام فاضي بس يجي يكلم ابوك او اخوك وتمشين معه وحاولي تراعين زوجك وهذا درس لك
اذا زعلان لاتراددينه .. تحمليه فغضبه وخذي حقك اذا هدا
وهو صدقيني تدخل اخوك بيكون درس له ماعد يتجراء يمد يده عليك
والله يصلح حالكم ويجعلها اخر المشاكل