يبيني ارجعه وش الحل

السلام عليكم اخواتي الغاليات
اسأل الله يفرج عني همي وعن كل مهموم وحسبنا الله ونعم الوكيل على كل ظالم وقاسي ومستقوي على ضعيف ماله حول ولا قوه
السالفه ان زوجي طلب مني ارجع له المهر وانا والله ما اخذته ولا جا بيدي اخذه ابوي على طول لان ابوي من النوع اللي ما يوافق على زواج وحده حتى تتنازل له عن المهر وانا والله عايشه مع زوجي فجحيم وابوي مستحيل يوقف معي او يرجع له ريال ولا همه مع اني اشتكيت له ان زوجي يضربني لكن ما وقف معي اهم شي مايرجع ريال والله انه ماخلاني اتشرط شي ولا اخذت لا مهر ولا سويت عرس ولا اخذ لي ذهب ولا اي شي' يصرف علي وهذا واجب عليه بس والله ظلم يخليني ارجع له المهر وانا ماخذت منه شي وزوجي عارف هالشي وزياده جبت له عيال وخدمته فوق 10 سنين في الاخير ارجع له شي انا ما خذته وهددني لو انا خلعته يطلب مني ارجع له المهر وفوقه مية الف حق الي صرفه علي حسبي الله عليه دعواتكم ربي يخلصني منه انا ادعي عليه بس لعل منكم من لو اقسم على الله لأبره

كيف اتصرف ينفع اقول لابوي كفايه ظلم واخليه يرجع له المهر غصب مع انه صعب علي ازعل ابوي بس الظلم والله صعب لدرجة اخاف اتسبب على زوجي لان تجيني وساوس افتك منه