زعل علي والسبب ؟

شوفي
لا عاد تصرفين على احد
هم مو بحاجتك واذا محتاجين ابوك موجود يطلبون منه
هذا اول شي بالذات في بداية الدراسة ووقت تغيرات الاجواء ومع الوقت شوفي اذا تقدرين او لا
ولو بغيتي تصرفين لا يكون بالمئات من كثر المكافئة
طلب من البقالة ايسكريم او بطاطس وبس
ثانيا قولي له تغير الجو ومحتاجة غيارات والسوق غالي والمكافئة يالله كفت اغراضي
وال 15 ريال كافيه اذا هي يومية لا تصيرين خبله وترجعين خمسة ترى الرجال مو زينا تحسبين انه بيفكر انك زعلانه
بيفكر انك من البداية مو محتاجته وجالسة تتبطرين في الفلوس
كذا عقلية الرجال مو زينا
وصلحي لنفسك يوميا اكل في البيت يازين اكل البيت قومي قبل بوقت وتفنني فيه والله انه الذ واطعم من اكل الجامعات
ووفري لنفسك منا ومناك
لان نهاية الترم قرب وبتحتاجين الفلوس

الله يرزقك ويغنييك اخذي مني نصيحه بناتي بسنك بالجامعه مكافأتهم لهم م ياخذ ابوهم ريال حتى السواق يدفع من جيبه الف ريال لهم شهريا ملازمهم يجيبها لهم المكافأه لهم ياخذون ملابس يسووون جمعيه يشترون اكسسورات لغرفتهم بكفيهم مصروفهم اليومي للجامعه من ابوهم
انا م اقولك انا اغنياء لا نحن من الطبقه الوسطى لكن الاب هو الملزوم ببناته حتى يتزوجون صحيح في الاول عارض وقال يدفعون ملازمهم وسواقهم من مكافاتهم قلت ي حسرة وش تكفي ووقفت له م رضيييت ياخذ منهم احيانا يعزمونا بمطعم على حسابهم بس م ابي احد يتصرف في مكأفتهم ابيها لهم
لازم امك توقف لأبوك وتقول مسكيينه البنات غير وهي غير مع انا مبسوطين لكن مش واضح عليهم لازم تحننه عليييك وعلى اخواتك اذا م انبسطت الوحده مع ابوها وتدلعت متى تسعد وتاخذ اللي تبيه اذا تزوجت يمكن ظروف العريس زفت
روحي لامك الحل بيدها اجلسي ابكي عندها اشرحي لها الوضع لازم امك توصل لابوك كلامك لكن بطريقه حنيه وانك مكسوره انتي تبين بس مصروفك والمفروض الصرافه ببوك وخلي احد يصرف لك هذه من حقك قولي عندي مشروع ويبي له فلوس عندي ملازم اخذتها من الجامعه تصرفي حبيبتي
انا نقطة ضعفي دموع بناتي 😢عكس اولادي عادي لازم اقسي عليهم
بناتي لا ارحمهم صح بس عندي ثنتين بس عندي يسوون الدنيا كلها واتمنى ربي يرزقني ببنت ثالثه صالحه باره متعافيه
والله يسخر لك ابوك ويغنننيك من اوسع ابوابه

هذي فلوسك ولو اخذتيها مايعتبر عقوق لانهم مو محتاجين ولان في الاسلام انت مو ملزومه بالنفقه على اهلك لو من البدايه اول مااستلمتي البطاقه مااعطيتيهم ماكان زعل ولا تعود وانت قلتيها بنفسك اغنياء يعني مو بحاجتك المسأله بخل وطمع قوي قلبك وخذيها وخليهم يزعلو شهر شهرين وبعدين يتعودوا هم عارفين طبعك عشان كذا ابوك لمن طلبتيه فلوس ماقلك لا بس يسوي حركات لك عشان ماتاخذي منها شي

ي عمري حاسه فييك والله
حتى بناتي احيانا يزعلون لأجل ابوهم يوم يقول لهم ذكروني راتب السواق الله يعيين تتقطع قلوبهم عليه ويحزنون يقولون بنعطيه صرافاتنا لانها معهم وهم يصرفونها بالمولات
قلت لهم ماعليييكم يدفع م عنده التزامات الراتب ضايع ضايع احفظوا مكافاتكم واخذوا اللي تبونه
انتي بحاجته تتعبين من صباح الله حتى قبل العصر وكرف وجهد ومحاضرات وبالاخير ياخذ المكافاه م عليييك قسي قلبك ودخلي امك بالسالفه
لازم امك معك الله يحنن قلبها عليك

روحي له بهدوؤ وقوليله ي ابويا انا احتاج البطاقه لاني مرات اصور كتب بالجامعه واحتاج اني اصرف منها وعندنا صرافات بالجامعه واذا اخذتيها اقنعيه انك تحتاجيها وماتقدري تخليها عنده