قدامهم انا ماهمني لكن في الحقيقه الطلاق مازال جرحه ينزف بداخلي 😭💔

السلام عليكم
الله يسعدكم عطوني رايكم انا درست وتخرجت وتزوجت وللاسف الشديد ماطولت معه اخذت بس 5 شهور بدون حمل الحمدلله
بصراحه انا ماكشفته بس ربي كشفه لي مسكوه وكان بحاله سكربنقطه تفتيش وبدون اي نقاش وتطلقت عن قناعه تامه
قبل الزواج شخصيتي مع قريباتي انا وهم من نوع الفلاوي مافيه رسميات بس انا القياديه فيهن والله ماهو غرور بس اغلب الجلسات متصدرتها انا مع ان فيه ناس اكبر مني بس يقدموني بالمشاوره والقرار
وهالشي استمر بعد الطلاق ماتغير شي اضحك واطقطق بس مايدرون عن اللي بداخلي بداخلي نار تحترق ماهو عشانه لا والله بالعكس حمدت ربي اني تخلصت منه عشاني صرت مطلقه واسمع كلمات تضايقني ولا ابين
بس اسكت مجروحه داخليا وانا اشوف كل وحده كونت حياه خاصه فيها وانا لا
مجروحه لاني ماكنت اجرح ناس يوم كانت اوضاعهم سيئه ويوم تطلقت صاروا يمزحون معي وبوضعي تحت مسمى الميانه ومنهم اللي كنت اجلس معهم ويقدروني
مجروحه لاني كنت احضر مناسبتهم هذولي اللي اقعد معهم يوم زواجي اغلبهم كانت فعلا عندهم اعذار بس ماهي قويه
اللحين اللي ماحضروا زواجي عندهم زواج اخوهم احضره او لا ؟
انا دايما وقت الزعل اقول باسوي واسوي واذ جاء الصدق ماعندكم احد
زعلي مايطول احس فيني سذاجه على الناس مستخفه فيني عشاني مازعل !!
او مدري احس ماني راضيه عن نفسي !!!!
واحيانا بدون اي سبب اقول اني ماستاهل هذاك الزواج ولا اللي مريت فيه من ظروف ليه انا الاشياء السيئه دايما تكون بطريقي
اشفق على نفسي كثير
بجد الطلاق جرحه بنزف بداخلي الى هذا اليوم 💔💔
كل وحده تقرا تحط نفسها بظروفي
مانزلت هالموضوع الا عادتكم خواتي وبتنصحوني كان المشكله لوحده من خواتكم

21 تعليق 5,907 مشاهدة

شاركي في النقاش

سجلي الدخول لإضافة تعليق.

التعليقات

21
  1. @khokh_omshmsh_1413

    ياحبيبتي الحمد لله ربي يحبك انك انفكيتي منه فكري لوكملتي معاه صح ماكانو انتقدو واتكلمو لكن انتي كنتي حتعاني اضعاف الي دحين بتعانيه صدقيني قولي الحمد لله وطنشي الناس كلامها مايرحم احد طنشي وعيشي وانبسطي وربي عالم بيكي ويارب يعوضك بالي احسن منو
  2. @aml_12345_1

    بيعوضك ربي وكل شي بأجره تفاءلي وعيشي حياتك ،،، لا تفكرين في الماضي ابد انسيه وتناسيه ،،، اشغلي وقتك بأشياء مفيدة ،،، وادعي ربي ان يجبر كسرك ويعوضك خير
  3. @hms_232

    اول شي ربي يعوضك ويرزقك الزوج الصالح اللي يسعدك
    وثاني شي صدقيني هذي مشاعر مؤقته وضيقه من الوضع اللي تمرين فيه لانك عايشه بصدمه وحالة حزن صايره الدنيا كلها كئيبه وكل شي تتحسسي منه ومحد يلومك فيها ابد
    بغض النظر عن كل شي خلك ايجابيه ولا تخلي الشيطان يحزنك وخلي ببالك تجربتك وطلاقك خيره خيره خيره وحتى لو شفتي انها كانت صدمه وكل مامرك ضيق وحزن احتسبيه عند ربي وباذن الله ربي مايخيب لا صبرك ولا رجاك وراح يعوضك
    وعن تعاملك مع الاخرين الواحد يعمل باصله واخلاقه ويخليها لوجه الله لا تقارنين وتقولين انا اسوي وهم ماسووا او لاني طيبه ومازعل هم كذا معاي عمرك بحياتك لاتندمي على حسن الخلق لانه شي عظيم وماتدرين كم من جزاء وحسنات تكسبين بسببه
    ربي يوفقك ويشرح صدرك وييسر امرك 🌸
  4. @hd_alsham

    كوني حازمه احيان الناس تستهتر بالطيب. محد له حق يمزح بوضعك. واللي ماحضروا زواجك لا تحضري لهم. ردي مختلف عن الردود من واقع تجربه. احيان لاننا طيبات وصاحبات واجب نحس باهمية حضورنا لما ننعزم وليه طيب احنا مايحسو باهمية الحضور لنا ؟؟

تابعي تجارب أخرى من هذا القسم.