تباشير مواليد نوفمبر & ديسمبر الثالث ❤️❤️❤️

السلام عليكم
يسعد صباحكم الف مبروك التباشير الثالث
وكل من بارك لي الله يبارك فيكم ويجزاكم خير

ا

اكشن ولادتي
يوم الثلاثاء 14نوفمبر الساعه11الضحى نزلت السداده وبدات الالام بس خفيفه ومو منتظمه وكنت احاول انام واتهرب من الولاده ويوم الاربعاء نزلت باقي السداده وبدأت الالام بشكل شبه متواصل
وحاولت بس اكون مرتاحه الى ان صارت الساعه 6المغرب حسيت ان الطفل بيتعب وانا باتعب وقررت اساعد نفسي اخذت استكانه شاي نصها عسل ونصها دبس تمر وكنت اكل بالتمر واشرب قشر قهوه وحليب بالقرفه وسويت الزيت الدافي للبطن والظهر والمويه الحاره للاقدام وشربت ملعقه زيت سمسم لتفريغ الامعاء واخذت دش مره او مرتين وبديت امشي ع الخفيف واسوي قرفصاء ومن الساعه 9الى الساعه1كان الالم متواصل ولكن ماانتظم الطلق بشكل دقيق يعني يجي كل عشر بعدين كل خمس بعدين كل سبع دقايق ماله ثبات بس متواصل والالم الحمد لله كان محتمل بالنسبه للطلق اختلف عن عيالي ف البطن بشكل اكبر وع طول حشرانه واحس اني عندي تكرمون براز واروح مافيه شي بالاخير قرر زوجي يوديني الساعه1الفجر وكنت رافضه بالرغم ان الطلقه نفسها حسيتها صارت اقوى شوي واطول من الدقيقه ورحت الساعه 1كنت بحاله من الضيقه والخوف مايعلم فيها الا الله بكيت وودعت عيالي كانوا معنا ودخلت هنا كانت اول شغله حلوه المشفى مافيه زحمه والممرضات متعاونات وانا كنت خايفه من المشفى وتعاملهم اول ماجت الممرضه تحط الجهاز بكيت وقامت تهديني وقلت لها مو عن الالم بس خايفه تتكرر وولادات عيالي الم قوي وتاخر فتح الرحم وبالاخير طلق صناعي وبهذله واولد بعد وقت طويل ومعاناه وتاثرت وتعاطفت معي وقامت تهديني كانت فلبينيه وجات الدكتوره وسوت فحص ونفس الشي بلغتهم عن خوفي وكنت منهاره تماما وابكي طبعا انا جدا هاديه مااصرخ ولاشي بس دموع ودعوات كشفت الدكتوره ولله الحمد طلع 7سم وحولوني فوق كانت بدايه الفرج ان شاء الله وبشرت زوجي وخلص اوراق التنويم وراح بالاولاد للبيت وانا طلعت لغرفه الولاده وكان فيه ممرضه خاصه فيني ونفس الشي شرحت لها معاناتي وقامت تهدي فيني وتقول انتي وجهك محظوظه وراح تشوفين وحطوا لي الجهاز واحاول اتحمله الى ان قربت اللحظات الحاسمه انزعجت مره منه وطلبتها تفكهً ورفضت وكانت تحاول انام ع ظهري وانا كنت ع جنبي وشوي بدا الم قووووي مره مره وفكيت الجهازوزاد الم ظهري واحس دفع ع وراء وقلت لها وكان الدكتور يولد وحده قامت هي كشفت طلع 8وماعاد رضت تخليني انام ع جنبي ورجعت جهازالنبض وشوي الا وانادي واقولها البيبي بيطلع خلاص بدا الم الدفع ونادت الدكتور عشان المويه بعدباقي هاللحظه شربت اخر رشفه مويه وجاء وفك المويه وشوي قالوا ادفعي نسيت ادفع كيف وقال كانه فيه براز وجيت اتنفس غلط وسكروا فمي قالوا دخلي هوا وسكري فمك وادفعي وبديت ادفع وطلعت بنتي العسل♥️وكانت الساعه3ونص فجر الخميس وحسيت بكل تفاصيل البيبي والحبل السريرحتى المشيمه ماعملوا تخدير موضعي او قص عجان وتمنيت لو عملو تخدير اماالقص الحمد لله مااحتجت له وكانت بنتي مرره صغيره الحمد لله ماجاني شق ولااحتجت جراحه وطلعت قالوا3كيلو بس واضح انها اصغر من كذا حمدت الله ع هالولاده اصعب لحظه قبل الدفع والدفع وخروج المشيمه كانها طفل ثاني واول يومين المنطقه كانت تالمني وفيه زي الجروح الداخليه بالرحم والحمد لله راحت وانا بخير وطفلتي بخير
انا اعتمدت يابنات ع طريقه التنفس وشرب المويه بين كل طلقه والثانيه والحمد لله الذي رضى عني وارضاني 🌺♥️

الحمد لله على تياسير الامور وانه هونها علي اللهم لك الحمد وعقبالكم كلكم يارب ولادات سهله وساعات ميسره يارب ويسخر لكم من احتجتوا له
نسيت اذكر لكم الفكس كنت احط اسفل الظهر وبالاقدام لان من الاعراض بروده اللقدام وكان الدوره بتنزل
ونصيحه يابنات حافظوا ع الهدوء ولاتفكرون انه لازم تكون اعراض الولاده زي ولادتك قبل
واي شي تبون تشربونه او تاكلونه خلوه لما تتاكدن انه طلق الولاده
عيالي طلق حااااامي ومنتظم ويمسك بالبطن والظهر من الاول
هالبنت طلق بالبطن مش قوووي جدا ولامنتظم وبالاخر صار الم بطن وظهر
عيالي بالدفع اسرع وهالبنت كان خروجها متعب شوي
والحمد لله ع كل حال

الحمد لله عسلامتك انتي وبنوتتك 💕🌸

صباح الخير