والحل مع هذي المعلمه

السلام عليكم ورحمه الله وبركاته ابغى استشير الحكيمات بموضوع يخص بنتي بنتي سنه الثانيه ابتداءي وربي بلاها بمعلمه مزاجيه ماتعدل بين طالبات قريبه لي معلمه بنفس المدرسه وقالت لي عن تعامل هالمعلمه وانها مزاجيه مع طلبات طبعا في البدايه ماصدقت لكن مع الايام عرفت ان كلامها صح تحب البنات الجرئيات والي يسولفوا ارفهم سابع سماء حتى لو مستواهم عادي لكن البنات السكتات والهاديات ماتشوف شي من تعبهم مجهودهم بنتي ماشاء الله اختبارتها تمام اعطيها مستوي جيد جدا واوراق الاختبارت تثبت هالشي اعطيتني الملف وشفت درجاتها ورجعت اخذت الملف لكن دايم تقول بنتك مستواها ضعيف وتركز على السلبيات اوراق الاختبارات الي بملف كلها ممتاز ماعدا ورقه وحده بنتي جابت تقرير درجات يوم الخميس انصدمت انها كاتبه لها بماده لغتي غير مجتازه وهي اوراق الاختبار اقيمها جيد جدا الى جيد وكلمتها ومافي فايده تطلع العيوب بنتي خايفه انها ترسبها ومابقى لنهايه الترم شي الحين ابغى اعرف من الحكيمات هل اروح يوم الاحد واكلمها مع اني كلمتها كثير ومافي فايده ولا اروح اعترض على كلمه غير مجتازه عند الاداره بس خايفه ماستفيد من الاداره وتتقعد لبنتي واحترت والله خايفه اسكت وترسبها وهي قالت لي مارح تجتاز ليش هاديه ماتتكلم مع انها تجاوب اذ سالتها واختبارتها درجاتها جيد جدا فعطوني ارائيكم بتصرف صحيح

17 تعليق 8,879 مشاهدة

شاركي في النقاش

سجلي الدخول لإضافة تعليق.

التعليقات

17
  1. قولي دامها هادية انتي مفتاحها خليها تتكلم وتفك صمتها بعدين اذ قيمتها تشجعها عشان تجتاز


    كلميها وفهميها وخليك حازةر
  2. @am_asyl1399

    للاسف اشوف معلمات مرحله الابتدائيه هالايام غير موهلات ابدا يدرسون صغار
    يعاملونها ع اساس تعرف كل الحروف وتقرا كتب ومجلدات
    بنت اخت صف اول هالسنه ربي بلاها بمعلمه ماتفهم
    تعطيها باليوم اربع حروف في اول اسبوع دراسي تخيلي
    وتملي عليها الحروف بنفس اليوم طيب خليها تروح البيت تذاكر تفهم احد يفهمها
    لا تعطيها هالحروف ثم ع طول املاء
    طبعا البنت صغيره ماتعرف شي وتوها مستجده
    كل يوم كاتبه فالدفتر غير متقنه
    اختي مدرسه وتعرف وكلمت هالمعلمه قالت ي ابله الترم الاول كله لو ماعرفو الا حرفين ثلاثه يعتبر نعمه
    لاتشدين عليهم توهم والاملاء كثير عليهم اربع حروف بالفتحه والكسره والضمه
    ولا مااافيه فايده تحشووو عقولهم تبي تخلص المنهج بسرعه
    اخر شي بنت اختي الصغيره حلفت وطلقت ماتطب هالمدرسه وتركتها وضاعت عليها سنه بسبب غباء هالابله
    ع ايامي لما كنت اولى ابتدائي من ست سنين تقريبا😁
    اذكر كانو المعلمات عطوفات جدا واذكر ابله الله يجعلها بالجنه كل يومشي تعطينا حرف وتجيب معها علبه مليانه شكولاتات اللي تكتب الحرف صح تعطيها حبه
    فرق بين معلماتنا ومعلمات هالوقت
    الله يعينك لازم تكلمينها تخف ع بنتك وتراعي صغر سنها ولا انقليها فصل ثاني
  3. @btol_27

    ام اصيل1399
    للاسف اشوف معلمات مرحله الابتدائيه هالايام غير موهلات ابدا يدرسون صغار يعاملونها ع اساس تعرف كل الحروف وتقرا كتب ومجلدات بنت اخت صف اول هالسنه ربي بلاها بمعلمه ماتفهم تعطيها باليوم اربع حروف في اول اسبوع دراسي تخيلي وتملي عليها الحروف بنفس…
    الحين المنهج يعتمد على الروضه فعلشان كذا يعتبرون ان الطالب ﻻزم يكون بصف اول حافظ كل الحروف ويعتبر تدريس الحروف باول مجرد مراجعه سريعه فالطفل الي مادخل روضه وحفظ كل الحروف بيتعب كثير
  4. @master_key

    اذا انتي كلمتيها في الموضوع ولا توصلتي الى نتيجة .. معناته لو انا مكانك اروح للمديرة اتكلم معها وهذا ابسط حقوقك كولية امر .. لاتخافي ولاتترددي ترا عادي جدا وطبيعي الاهل يتواصلون مع الادارة في مثل هذه الحالات .. ولارح تحقد ولاغيره ماتقدر تسوي لبنتك اي شيء بالعكس بتكون مره حذره لان المعلمات يخافون من شكاوي الاهالي لانها ممكن تروح وطي كمعلمه لو بالفعل اثبت عليها شيء مثل كذا

تابعي تجارب أخرى من هذا القسم.