موقف اللي صار لي مع مرت خالي

اول شي اشكر كل من ردت علي
وواستني باليومين اللي راحو
واعتذر عن اللي ارسلو خاص يواسون ويمدحون
ولا قدرت اردعليكم بسبب مشاركاتي
اكذب عليكم لو اقولكم نسيت الموقف
امس كلمتني خالتي بالليل وهي تقريبا بنفس عمري
وعلمتها السالفه لاني كنت مكتومه
ولا احب افضض لخولتي الصغار بالثانوي
تعرفون بنات الثانوي من ابسط مشكله يقلبون عليك
ويعايرىنك بالسالفه لو لها سنه
كلمت خالتي وعلمتها كل الموقف وانها تقول
عني قدام الحريم مكروفه منذ الصغر
وللعلم لاحظو الحمدلله شغل البيت ماعمري اشتغلته
وانا صغيره
كنت بس احب اطبخ
وكانت امي لما تولد كنت بالمتوسط
امسك البيت كله بوقت ولاذات امي
او اذا راحت امي تاخذ عمره
بس حتى امي قالت يوم كانت صغيره بالولادات
اللي كانت تمسك البيت وتكرف
ولما كبرت صرت المسوله عن عزايم
انا اسنع امي بالعزايم يعني اساعدها بكم صنف حلى
وانسق السفره واستقبل معها يعني زي كل البنات
ماشوفه كرف!!
جت خالتي عصبت وصارخت علي
لان فيه نقطه ماذكرتها لكم
هالحرمه هذي مرت خالي
بناتها ماودي اتكلم فيهم
بس بوضح لكم
وقت دوريات امهم مايجون بناتها واذا مره
جو بس جالسات ع الجولات والله قدامي يتخانقون
البنات كل وحده تقول للثانيه قومي سوي
مع امي قومي ساعدي ويتذابحون
جامدين تفهمون ايش جامدين يعني
القهوه والشاهي مايعرفون يسونه
حلى طبخ بحياتي كلها جابو صنف قالو
هذي فلانه اللي مسويته
كشخه وتنسيق بالعزايم او ببيتوتهم مايعرفون ابد
ولما تولد امهم كانت ترمي عيالها الصغار
على الخدمات لان بناتها الكبار مايعرفون حتى
يعتمدون على انفسهم
خالتي عصبت علس قالت ياغبيه مقهوره من سنعك
وجالسه تقارن بينك وبين بناتها وبتكسرك قدام
الحريم لكن لما قالت الحرمه بوجهها
ماشاء الله عليها قرمى وسنعه اقسم بالله
وجه مرت خالي صار الوان
وخالتي حسفتني اني مارديت وقلت الحمدلله
امي معلمتني السنع مو مثل غيري بناتها مايعرفون شي
اصلا كاني بحلم لما رمت علي هالكلمه وبكيت لما طلعت
بالشارع ماستوعبت الموقت الا اليوم انه عادي ومقهوره مني
بس انقهرت ليش يقالها بتحرجني واسكت لها
للعلم مرت خالي هذي دايم تسب اللي
بس يشتغلن ولا يجيبون شغالات وهن منزوجات
واول شي كانت تسب امي تقول بس تكرف زمان
جيبي ارتاحي وامي كانت ترفض الخذمات والى اليوم
مادخلت بيتنا خدامه
دايم كلامها يتمحور حول الكرف والشغالات
اعتقد فيها عقده النقص لان الناس يعنمدون
على نفسهم وهي لا
فكرت ارسل لبنتها عشان تبرد حرتي بكلام امها
بس خالتي تقول بتدري انها استفزتك اسفيهها
ولو عادتها قولي امي ربتني على السنع مو ماعرف
الشاهي والقهوه كيف تسوى
ابي نصيحتكم ارسل لبنتها او لا
وتتوقعون كلامها لي حسد وغيره او ايش؟؟