الحقوا علي مابي اتزوج

بنات احس بموت احس مافيه اكسجين بالدنيا الدنيا صغرت بعيني وقامت تدور فيني ادوخ وانكتم تقدم لي واحد واهلي بيزوجوني انا مابي اتزوج عمري 32 بس مابي اتزوج كم مرة ارفض وارفض والحين بيزوجوني غصب شلون أعيش حياتي وانا متزوجة؟؟مابي زوج ومابي عيال ومابي الم ولادة ومابي حمل ومابي مسؤولية انا انسانة كافة خيري وشري وقاعدة ببيتنا ولاعمري اذيت احد وحاول قد ماقدر اطيع ربي يتسلطون علي ناس ويخطبوني ليش؟؟كل مرة انخطب اشوف الموت بعيوني واحس اهلي بيرموني للموت وانا ابي الحياة مكتومة يابنات وكل مايقرب يوم الملكة الدنيا تسود بعيني وتنزل دموعي من القهر صح انا كبيرة بس مابي اتزوج اعرف نفسي ماتحمل المسؤولية وانا مرات ماطيق صديقاتي واقطع عنهم فترة هالمرة بيربطوني مع زوج؟؟يابنات بموت قهر بموت انا متاكدة هالشخص ماراح يرتاح معي وبكون مصدر بؤس عليه وين اروح يابنات ضايعة والدنيا مقفلة بوجهي واكتب لكم ودموعي تنزل يوم كنت بسن من 22 وتحت كنت أتمنى الزواج من 23 وفوق خلاص ماعاد ابي شي اسمه زواج مرتاحة بحياتي من غير زحمة ليش الناس كذا مايرحمون ليش لدرجة بنت صغيرة بالأبتدائي تجيني تسألني أنت صح عنستي؟؟ووحدة تقول لامي ليش ماتزوجين بنتك هي فيها شي؟؟ليش بعض الناس يسمونا عوانس انا ماحب هالكلمة مابي اتزوج بس ماحب كلمة عانس او عنستي وليش أي وحدة ماتزوج يقولون فيها بلا؟؟انا ما فيني بلا ومابي اتزوج قاعدة ابكي ومكتومة وقلبي يتقطع وضايقة فيني الدنيا متى بس اسمع ان هالخطبة تفركشت وربي أكون اسعد انسانة وبحس اني طلعت من سجن كل ماتذكر موضوع اني بتزوج يضيق عندي التنفس دعواتكم ربي يفرج همي لاتنسوني قلبي يعورني انا اعتبركم خواتي وشكيت لكم
لاحول ولاقوة الا بالله
اللهم افرج همي ياربي ساعدني ولاتخليني وحيدة