يا بنتي استهدي بالله و اهدي
الزواج مسؤولية صح، بس بنفس الوقت هو عفة و تحصين و اشياء كثير حلوة، فليش التشاؤم؟ ليش تناظرين الجانب المظلم؟ ترى حلاوته تنسيك بمرارته.
اهم شي العريس متدين، خلوق؟ اذا ايه استخيري و توكلي على الله، و شيلي عنك وساوس الشيطان، ترى الزواج عبادة.
شوفي اختي، شي طبيعي انك تحسي انه الزواج مسؤولية صعبة، و لا انت اول وحدة و لا اخر وحدة تحس بهالشي، اللي مو طبيعي انك تمتنعي عن الزواج لهالسبب. اذكري الله، و واظبي على الاستماع للقران كلما جتك الوساوس فان بذكر الله تطمئن القلوب، و انوي العبادة و الاجر في هالتجربة الجديدة اللي انت داخلة عليها، و استعيني بربك.
هي بس بداية الزواج اللي راح تتعبين فيها، و بعدين بتتعودي، و بتاخذون على اطباع بعض، زين انت تحسبين اللي متزوجة تضل 24 ساعة مبتسمة و تسولف و رايقة، اكيد بتمر بعصبية، بموجة صمت...الخ.
بعدين انت الحين ب 32 لسه غارك شبابك، بس تتخيلين نفسك بعمر 60 و انت لا زوج و لا اولاد؟
تخيلتيها؟
زين الحين قومي صلي لك ركعتين، و الحيرة اللي تحسينها بتاكلك اشكيها لربك، و اطلبيه يهديك للطريق اللي فيه سعادتك، و اهم شي مثل ما قلت اخلاق العريس و دينه.
و اعذريني ادري انه كلامي ملخبط
الله يفرج همك و يوفقك
الحقوا علي مابي اتزوج
متابعة النقاش، صفحة 5