هل فاقد الشي لا يعطيه أو هنالك حلقه مفقوده

بنات هذه قصه جارتي وتبغي رايكم ومشورتكم.... نشأت بنت مع ام ممكن اقول عنها قاسيه لا تتكلم معنا وإذا تكلمت خصام امرض لا تبالي احتاج لبس أو شي ابدا ما تهتم يعني كأننا عايشين بدون ام في وجود الأم كنت دايما اقول لها انا بنتك أو لا دايما اتمنى تحن علينا اتمنى تحبنا اتمنى ترحمنا كنت إذا شفتها تضحك مع احد من صديقاتي اتحسر بيني وبين نفسي واقول ليش ما تكون معي زي كذا.... والله والله ان بدون مبالغه كنت أوفر من مصروفي إذا احتجت شي ولا اقدر اطلبها باختصار جسد ام بدون مشاعر. والآن انا كبرت وتزوجت وفي قلبي بعد بيني وبين امي ما اقول كره لكن ما احس تجاهاها اي مشاعر لا حب ولا شوق ولا شي لو اغيب عنها سنه ما افقدها ولا اشتاق لها ولا حتى اتذكرها... وانا كبرت وتزوجت والان نفس الشي مع أولادي لا احن عليهم ولا احسهم يحنون علي أرحمهم بس ما ابين لهم وما اجلس معهم اشغل نفسي بالبيت أو بالجوال أو بأي شي يعني انا عندهم جسد ام فقط.... نفسي أرحمهم وأبين لهم ذاك لكن ما اقدر شي يمنعني ما ادري ايش هو.... والاحظ انهم نفس الشي جيت رحت كله واحد... أولادي صغار اكبرهَم بالمتوسط واتمنى اذوق برهم ويذوقون حناني لكن للأسف.... مدري هل هذا اللي بيننا هل بسبب امي وفقداني حبها ما حبيت أولادي وبالتالي هم ما حبوني... أو ايش السر..... احن عليهم وما أبين أرحمهم وما ابين وكذا مره أولادي يقولون انتي اصلا ما تحبينا